حقيقة البشر

موضوع: حقيقة البشر الأربعاء يوليو 15, 2009 11:29 pm

السلام عليكم من اتبع الهدى

بدخل بالشسمه دووغري

القصه بالفصحى (الاصليه) الي يبيها
يرقد شوي لين اخلص من العاميه وبعدين ياحملها بالفصحى

المهم اسكتوا عشان تسمعون وتراني منيب عايده

هذي وحده تقول القصه وتقول:

اول مره اشوف خالد كان وش زينه طيب وهادي وداايم مبتسم ماقد شفته مكشر
وصرت احبه وكان ودي اكون طول عمري معه بس وش اسوي صار شي لم يكن بالحسبان
وخنت نفسي وانا ماادري...
وهذي سالفتي..

خالد:آآخخ اخيرا خلصت من ذا الشغل الي مابغى يخلص احس راسي مصدع ورقبتي رايحه في ابوها

شوي سمع صوت من بعيد يقول : خااااااااااالد وين بتروح له؟
خالد: هذا انت ياحامد ايه بروح للبيت يعني وين شرايك واحد من الصبح وهي يشتغل وين بيروح له اكيد للبيت يرقد
حامد: اهاا طيب وبعدين؟
خالد وهو مبتسم: وش اسوي بدورها الين القاها
حامد: ياخي ماتعبت دايم تدورها؟
خالد:ومنيب تعبان لين القاها

وطلع خالد وفي السياره حس انه جوعااان
وقال وش وراي بروح اكل لي في مطعم من هالمطاعم

في المطعم...

خالد: السلام عليكم
راعي المطعم(محمد):وعليكم السلام
خالد: جيب واحد صحن مشاوي مشكل
راعي المطعم(محمد): ايش ثاني
خالد: وببسي..والحساب
راعي المعطم(محمد):طيب

وجلس خالد على الطاوله وقعد يهوجس ويقول:
ياربي بلقاها ولا منيب لاقيها بس والله ودي القاها وارتااح وانا مشتااق لها بس والله حسيت اني يأست ومليت (قاله ضميره:لايأس مع الحياة ولا حياة مع اليأس) قال خالد: وانت صادز شورك وهداية الله

راعي المطعم(محمد): صديق صديق
خالد: نعم؟
راعي المطعم: هذا طلب انتا
خالد: شكرا.. كم طلع الحساب
راعي المطعم:12 ريال
خالد:امسك هذي 12

وعاد سمى بالله وقعد ياكل ياكل ياكل ياكل اليين شبع الحمدالله
قام غسل يدينه... وقال كثر الله خيركم والمره الجايه عندنا هع
ثمن راح لشقته وغير ملابسه..

وهو واقف قدام السرير قال:آآه وش كبر هالسرير بس متى يجي اليوم الي القاتس متمدده على هالسرير ان شااءالله قريب ان شاءالله قريب

بعدين رقد لين العصر يوم شاف الجوال لينها الساعه 5 قال استغفرالله مابعد صليت
وقام صلى بعدين تسبح ولبس ثوبه لين مذن المغرب صلى
وراح للبقاله الكبيره (سوبر ماركت) يتقضى.

في البقاله الكبيره(السوبر ماركت)...

خالد: منيب مصدق هذا هي ايه والله هذي هي وقام يركض لجهتها
خالد وهو ماسكها :واخيرا لقيتتس منيب فاكتس ولا تاركتس ابدا ياحبيبتي

وبحركه بهلوانيه دخلها في الكيس ووزاها وركبها لسياره
ودعس لشقته.

في شقته..

خالد: واخيراً
هي في نفسها: ماقدرت اتكلم كان شكله حلو مرره
ومتأكده انه مب مسوي فيني نفس الشي الي سواه قبله ويتركني لاشكله حليو وعاقل
خالد: والحين برقد وانتِ معي
هي:مااقدر اصبر

ورقد خالد رقده مب ناسيها طول حياته.

في الصباح...

حامد: السلام عليكم
خالد:وعليكم السلام والرحمه
حامد:شعندك فرحان
خالد: تخيل
حامد: تخيلت
خالد: لاجد تكلم تخيل اخيرا لقيتها مابغيت القاها... وهي الحين في الشقه في سابع نومه.

وفي الشقه فوق السرير...

هي: ياربيه وش زينها من نومه كان خالد هاجد ومايتحرك واجد ولا يرفس ودي انه ماقام مني
هاه(تراها شهقه) ياربيه انكب على العصير.. وش اسوي ؟؟ مامعي غيارات... وش بيقول عني خالد؟؟يافشيلتي بس.

يوم خلص الشغل...

راح خالد لشقه بدون مايمر المطعم وهو يقول:آآه اشتقتلها متى اوصل احس اني معد اقدر استحمل ودي ارجع بسرعه وارقد في حضنها

ويوم وصل خالد لشقه...
ونحر على طول غرفة النوم

واول مادخل قال:هاه(شهقه)وش سويتي في نفستس؟؟
هي:تكفى اخر مره لا تتركني
خالد: مااقدر لازم ارتركتس
هي:ترا تكفى تهز الرجاجيل
خالد: اقول لايكثر معليش مااقدر لاتقعدين تبكبكين عندي

هي: وخذني خالد وحطني في كيسه وحطني في السياره وشوي وحسيت ان السياره وقفت
قلت جاك الموت ياتارك الصلاة

نزل خالد من السياره وشالني وذبني في مكان اعرفه زين
قبل مايروح قالي(خالد):منيب ناسيتس ابداً

بعدين راح ولا عود

وذيك اللحظه تأكدت انه الكل الناس زي بعض ناكرين للجميل ولا يعرفون وش كثر نتعب عشان نخليهم راقدين وهم مرتاحين ولايحترمونا نحن معشر "المخدات"...

كانت هذي قصتي انا المخده

توته توته خلصت الحتوته حلوه ولا فتفوته

وهنا بالفصحى (الاصليه) للي يبيها ...
تاكسي...1.doc - 26.5 Kb

واتمنى انها جازت لكم

موضوع: رد: حقيقة البشر الخميس يوليو 16, 2009 1:56 am

حلوووه

احلى شي اسكتو ترا منيب عايده خخخخخخخ

ياحلوك يا جوجو ومشكوره اوي

موضوع: رد: حقيقة البشر السبت يوليو 18, 2009 2:28 am

هههههههههههههه حلوووووووووووووووة مشتااق لهااا

مشكووووووورة يا بعد كبدي جوجو Very Happy

موضوع: رد: حقيقة البشر الجمعة يوليو 24, 2009 9:38 pm

منبع

ايه ادري حلوه لانها مني >>اقرب كف عالطاير

انتي احلا يا مومو متعفوه اوي

صبيه
هع الاحلا مرورتس

متعفوه يا بعد تسلاي