سولفيلي واسولفلتس

السلام على من اتبع الهدى

كيفكون صبايا؟

إن شاء الله منيحات

ههاي تخيلو من قبل عيد الاضحى بنزل موضوع بس كل ما مسكت اللاب

يضيع الحتسي >> طيب شدخل ههاي

المهم اني هالمره قلت والله لاهذر حتى لو ما اقول الا حتسوتين ( كلمتين )

وترا كل شي بقوله كذا سامج مرره يعني الي مهب شسمه تفرجينا عرض اكتافه > ابوتس يالاسلوب

مره من المرارير عيد الفطر الاخير ذا كنا بثادق

بالمزرعه عاد كانت جنبي بنت عمتي وبنات عماتي ما اشوفهم الا قليل يعني ما عندنا هموم مشتركه >> الله اكبر يهالهموم

الا على طاري الهموم ذاك اليوم كنا بالشسمه مع فرينداتي ونسولف عن المسن والتوبيكات واللي تحط مدري شنو اني معد اقدر اتحمل واني مدري شنو قالت بنت فيه وحده عندي حاطه توبك نسيت وشو ( انا الي ناسيته مب هي ) معنى توبيكها اني كل حياتي احزان وضايق صدري ومسيكينه انا > هي مب انا

وهي بثاني ابتدائي > قضت سالفتها ترا


وايه وش كنت تقول كنت مع بنت عمتي وكذا ما عندنا شي نقوله قالت بنت عمتي ايه جتك اضافتي بالمسن ؟ > يقالها بتطلع سالفه يعني

عاد اختكم في الله كمخه وش قالت ؟

قلت ايه وقبلت وكلمتك وقلتلتس انت العنود قلت ايه مب هي انت؟


قالت بالذكيه يقالي بطلع سالفه الحين

وكذا كم مره يصير لي موقف واقوم ارد بذمه

من جد بنات التوالي حتا الحتسي ما يعرفون يحتسون > ادري سالفتي سامجه بس كذا ودي اهذر

ايه صح وش اخباركم مع الرسايل؟

اختكم في الله حللت والدينها

ونص الي ترسلهم موبايلي ولا زين > درج شسويلتس

بس عقب تذهنت يعني اناظر الرقم بس نفس الشي فيه ناس يحولون موبايلي والرقم نفسه

بس شسمه كيف الحال؟

ايه صح فيه رساله حلوه ذكرتها وانا اكتب

يقولتس فيه واحد راح لمصربالاجازه ورجع ويوم رجع قاله جاره

رحت شي بالاجازه قاله لا ما رحت وهو نصاب رايح لمصر

( ساهم في نشر هذه القصه المعبره )


بالله شرايكم

ما جتكم الصيحه ؟

انا عن نفسي ما قدرت اتحمل قمت اصييح واصيح وابتسي

وكلش وطلبته

الا على طاري طلبته

بالله ما تلاحظون الاتصالات نصابين

قسم الفاتووره شي وانا مسيكينه منب ارسل ولا شي ابداً وقسم بالله

يعني استغفر الله ارسل بس يعني مب لدرجه ستميه الفاتوره والله لو اني ابراهيم اخوي ما جت ستميه

من جد غشاشين

كذابين

نصابين

اشرار

متوحشين

قتله

سفاكين دما

كاتشب

عشان كذا إن شاء الله بحول جوالي شحن >> بشري جدتس

ايه على طاري شحن

ترا المطلوب من الشسمه انو اي شي عندتس سالوفه خربوطه شي

حطيه بذا عادي لوه سامج

محد مضحك عليتس

واذا احد ضحك قوليله يا ويلك من مدرج

وترا يخاف >> كاااااااتشب

الا على طاري كاتشب > ما نوت تسكت

كيفي موضوعي محد غصبتس تدخلين

تراني منزله قروب للمنتدى > قولي والله

group227353@groupsim.com

هذاهو ضيفوه

ايه ذكرت مره كنت > وش يحس به ذا الفيس

ايه كنت بالمستشفى وشفت بنت الله لايخزينا بنات معد يستحن

هي شكلها كذا سادس ابتدائي ولا بالمتوسط

عبايتها ناويه افصل زيها فستان > من متى ودرج تفصل فساتين

المهم من جد مره متزينه المشكله انها جايه مع السواق لحالها

ما معها احد حتى الرجال يطالعها من جد شي مدري وش يحس به

يعني بالله الي مثل ذي ابوها ما شافها قبل ما تطلع؟

قسم شي يضيق الصدر

وبس

عندي حتسي واجد بس اناملي عورتني > اروح ملح عالانامل تراني ما قعدت العصر كله اطلعها

لكل الي مرو

لغير الناطقين بالشسمه

الكاتشب = يعني مصاله = سماجه = ملاغه

عاد يوم شفت ان السولافة كلها شسمة وشسمة عرفت اني لازم اقولتس شسمة لي عودة للسوالف الفاضية

هههاي عندي لكم نكته..
اممم
اقصر نكتة في العالم قبل ما أقولها لكم بقولكم سالفتها
((يوم الأحد ليله الأثنين جالسه اذا كر رياض |عندها اختبار الاثنين|
المهم إن وحدة من صقيقاتي قالتلنا ابرسلكم نكت اليوم استعدوا وأنا جالسه اذاكر :;
كل شوي اناظر الجوال احتريها ترسل في نفس هذا اليوم بعد صلاة العشاء جو أخواني من
البر وجلست اهذر معهم ونسيت المذاكره وأيامها=حليوه= ههههه الموهيمم راح الوقت وجت الساعه 11
رجعت اذاكر المهم انا انتظر رسايل صقيقتي ولا ارسلت يوم جت 11ونص رن جوالي نغمة الرسايل فرحت نكتة مابغت يوم فتحتة لقيت هذة النكته
((اصغر نكته في العالم..
فلبيني خال

ههههه))
وصارت من أخوي حبيب قلبي كنة حاس فيني وصقيقتي جحدتني وغابت من بكره ..

بعدين نمت

هههههههههههههههههههههه
تراني اضحك على اقصر نكته في العالم

اكشششششششششششششششششششششخ وش عندها ليمونه داخله لا الحين احس اني في حلم .. ما اصدق ..

المهم راعيــــــــــــــــــــن الكدش

اكيد هم اهم ناس

هذي مير الله يسلمتس

امس في استراحه اكتشفت ان بنت عمي طلعت بزر

وهي في اولى ثانوي

تذكرون حركات البزران لين رحنا
يطقونا يعني (حبشه)

بس ياحظي عندي بنت عم الله لايخلينا منها

طقتها >والله انتي البزر

ووووووووووو

تتخيلوون جلسه بنات بدون شي ينوكل

بس فشلتنا صبيه وجش كنا ماذاقت عيشه

ولي عوده اطلع مافي جعبتي

انا مرتن من المررايت

خلص اشتراكنا <تعلمكم بس

وماعندنا غير اللطش من الجيران <دعواتك مايقفلونه

وبذاك اليوم تسلطوا وصاروا يطفونه كذا نذاله <طراره وتتشرط

المهم واجيكم طايره للسطح

والطع هناك لين لقيت شبكه ثانيه

واقعد اهذري عاد عليكم

وتخيلوا المعاناة الجوباااااارد واللبس مفصخ<صيفي ترا مب شي ثاني

وكله لعيوون منتداكم الجبيل

وبس هذي سويلفه من سويلفاتي الخايسه

وانتظروا الاسخف

يا توفي اذا قفلوها دقي علي اعلمك شلون تفتحينه<<ترى ما اعرف افتح الا بجهاز امي..


تخيلو من قبل اسبوعين طار الببغاء بتاع عمي عبد الله أسمه محمود وأنا اللي يضيق صدري عليه تخيلو عشرة عشر سنين يطير بيوم مع انه كل حياته كان من دون قفص..


وأمس جاء عمي ناصر وراح للجيران اللي قدام بيت جدتي وطق الباب وسألهم عنه ولقاه وااااااااااااااااااااوهـ وحشتني يامحمود ووحشتني سواليفك وعما قريب راح تنزل له صور بس ما اهقا انه بالمنتدى..<<وأحد سائلتس؟؟!!


عاد اني ادري مالي داعي بس والله من الوناسة جيت وحطيت هالسولافه اللي تشبهني..




شكراً مجاريدو..

حركه موضوعك يا مجريدو بس عندي سؤال ؟ وش معنا درج اللي في سواليفك ؟؟

عندي لكم موقف صار معي يضحكني <<عاد اذا اعجبكم اضحكو لا تفشلوني ترا يطيح وجهي

من سنه ونص تقريبا" كان ولدي <<مغيره ذاك اللي صاجتكم فيه فهود

كنا مطفين اللمبات بنوم <<عاد ذاك الوقت كان ينام معنا قبل مانحطله

غرفه,الملهم كنا بنوم مره واوص وخلاص وطفينا اللمبه وهجدنا فتره وكنا

نحسبه نام ثم فجأه تذكرنا سالفه وقعدنا نوصوص بالسالفه نخاف نقومه

بعدين بسم الله ما درينا الا الي يتكلم وبصوت عالي >>>>اسكتو يا بزاليين

بزالين <<يعني بزارين وييييييين صرنا بزارين عنده وهو صار جدنا الكبير وانا ماندري

وما تسمعين الا كركره ونموت ضحك عليه وقعد يضحك معنا وهو مايدري اننا

نضحك عليه<<صدق انه بزر خخخخخ>>>وبس خلصت <<<<عاد لاتنسون تضحكون همااه


وموعدنا معكم في المره القادمه من يوميات فهوود ...وشكرا""  

عااااااد مايصير ياصبيه

تضحكين وتطسين طلعي سولافه

عندي لكم

سااااااالفه بس خلوها بكره

الحين فيني نووووووووووم

الله من الخراط ياصبيووه

اقول صبايا اخاف مانلقى سوالف يو مالخميس

ومايصير نجلس ساكتين<<لاتخافين حريم بتطلع سواليف

المهم هذا الله يسلمكم انا مااحب اطس من بيتنا لاي مكان<بيتوتيه انا

الا اذا بنطلع للدايره هذا شي ثاني اتحمس لها قبل باسبوع المهم

هذي نقطه ضعفي

واختي الحبيبه مسكتها علي المهم امس قالت تراك بتتقضين للبيت يعني بتروحين

وهنا طقتني الصيحه ليش والله مابي قالت وش اسوي انا روحي تفاهمي معه انا مالي دخل

لو ماعندي اختبار كان يمكن هذا صار العصر

المهم طقتنا الغلققه وكتمنا والاخلاق قفلت

على العشاء طست تحت تذاكر عليها قران وتدق على اخوي بما انه ماعندي موبايل

بس دعواتكم يجيني بسرعه يعني تخيلوا متخرجه وهذا وماعندي والمبزره الي اصغر

مني معم قهر صح المهم نرجع للسالفه

دقت عليه قالت خلها تنزل بعبايتها<هنا طقتني الصيحه وقعدت اتحلطم

لازم يضيقون صدري وذا والله اني مسكينه المهم قبل لاانزل دقت عليه مرتن ثانيه

وقالت قلها امززززززززززززززح <هنا جاء الفرج وابتهجت اساريري

ونزلت عندها اقول ليه تسوين كذا تخيلوا وش تقول لو ماانها اختي الكبيره كان

وريتها ششغلها بس وش نسوي حكم القوي على الضعيف

قالت: لابس مليت وانا اذاكر وابي اوسع صدري

قلت ابد استهبلي دام الدعوه مافيها روحه

ماامداني على الساعه 11 يجي اخونا الموقر يقول هاه شرايك متى تبينا نروح

وللحين وانا انتظر المصير

وعسى ماطولت علاكم

ياحليلتس يا غلو لهذي الدرجة ماتحبين زي هيك طلعات؟؟أجل هذا عشقي اذا رحت اتقضى




<<حلللللللللللوة علاكم,,كنتس.......




يالله وين سواليفكم يالباردات

هماهم يقولون لي ياحظ رجلتس

مب باحلن بس ودني جبني

كني وش تراتس بتقوليلي


يالله يابنااااااات

اوما عندي لكم سالفه بس مايصلحش هوون

لين جاء بكره قلت لها لكم بس ذكروني

عشان الكبار الي هنا مايخذون فكره شينه عني <هذي سالفه ياشوشه

يووووووووووه الحمدلله بكرة الخميس



بس خير كاتب الموضوع حطة الموضوع وانحاشت

ايه والله يااني متحمسه

بس والله مشكله اغراض الحلى ماجبناهن وناموا الاخوان يعني الله يعينا على قومه

الصبح <لازم بهارات شوي

امممممممممم

السالفه لاجاء بكره

اقتباس :

عاد يوم شفت ان السولافة كلها شسمة وشسمة عرفت اني لازم اقولتس شسمة لي عودة للسوالف الفاضية

هع

اقتباس :

كيف الحال ؟؟

الحين بالله من وين ارد ..!! هااااه

قسم كنك بالعه رادو ..

الفؤائد الي عرفتها :

1_ اخوك اسمه براهيم >> كنتس توتس تدرين

2- بتححولين جوالتس << ما هضمتها بس مع الخيل ياشقراء >>نكمل الى شحن


وشـــــــكرا على الضحك الي ضحكته
ههههههههههههههه

عفواً

اقتباس :

هههاي عندي لكم نكته..
اممم
اقصر نكتة في العالم قبل ما أقولها لكم بقولكم سالفتها
((يوم الأحد ليله الأثنين جالسه اذا كر رياض |عندها اختبار الاثنين|
المهم إن وحدة من صقيقاتي قالتلنا ابرسلكم نكت اليوم استعدوا وأنا جالسه اذاكر :;
كل شوي اناظر الجوال احتريها ترسل في نفس هذا اليوم بعد صلاة العشاء جو أخواني من
البر وجلست اهذر معهم ونسيت المذاكره وأيامها=حليوه= ههههه الموهيمم راح الوقت وجت الساعه 11
رجعت اذاكر المهم انا انتظر رسايل صقيقتي ولا ارسلت يوم جت 11ونص رن جوالي نغمة الرسايل فرحت نكتة مابغت يوم فتحتة لقيت هذة النكته
((اصغر نكته في العالم..
فلبيني خال

ههههه))
وصارت من أخوي حبيب قلبي كنة حاس فيني وصقيقتي جحدتني وغابت من بكره ..

هههههههههههههههههههع سلميني على اخوتس >> دردوب


والباقيات كلكم مشكورات عالمرور متعيجزه ارد حبه حبه عليكم

اللولو كتب:

يختي يااااااااا مجرد ما شاء الله سواليفك تجنن

بس هل يا ترى اذا جيتي تسولفين تندمجين وتكتبين بدون ما تفكرين ..؟؟

والا تقعدين تفكرين وتسولفين ؟؟!!

بحاول افكر في سالفة <<<< لاني ما اعرف اكتب دغري << مقدر انا على المصارية << المهم ما اعرف اكتب دغري <<<< اكشخ اقدر اتكلم مصري <
ايوه وين كنا في البيت


تحياتي لك مجررررد ..

لا اصير من قبل مفكره بالموضوع فكرته يعني وش بكتب عنه

واذا دخلت قمت اكتب والكلام يجر الكلام كذا مدري وشلون

هع من قدتس تعرفين مصري

اذا احد قالتس تحياتي لك وش تقولين ؟ ض1

ولك

منبع الجمال كتب:

حركه موضوعك يا مجريدو بس عندي سؤال ؟ وش معنا درج اللي في سواليفك ؟؟

درج عيارتي مقتبسينها من مجرد وفيه درج اذا تصير في السب ممكن اسب وحده اقولها يا درج
نسبه الى غبائها ومقارنتها بالجماد فهمتي ولا؟ س1
يعني استخدمها لشيين > يارب فهمت

عندي لكم موقف صار معي يضحكني <<عاد اذا اعجبكم اضحكو لا تفشلوني ترا يطيح وجهي

من سنه ونص تقريبا" كان ولدي <<مغيره ذاك اللي صاجتكم فيه فهود

كنا مطفين اللمبات بنوم <<عاد ذاك الوقت كان ينام معنا قبل مانحطله

غرفه,الملهم كنا بنوم مره واوص وخلاص وطفينا اللمبه وهجدنا فتره وكنا

نحسبه نام ثم فجأه تذكرنا سالفه وقعدنا نوصوص بالسالفه نخاف نقومه

بعدين بسم الله ما درينا الا الي يتكلم وبصوت عالي >>>>اسكتو يا بزاليين

بزالين <<يعني بزارين وييييييين صرنا بزارين عنده وهو صار جدنا الكبير وانا ماندري

وما تسمعين الا كركره ونموت ضحك عليه وقعد يضحك معنا وهو مايدري اننا

نضحك عليه<<صدق انه بزر خخخخخ>>>وبس خلصت <<<<عاد لاتنسون تضحكون همااه


وموعدنا معكم في المره القادمه من يوميات فهوود ...وشكرا""  

ههههههههههههههههههههههههههههههههه وقسم تحفه ولدتس بالله خميه لي