طريقه تنظيف الشنط وخااااصه الماركاات <<حكم نكتااار...

اهلييين اليوم بتكلم عن تنظيف الشنط وان شاء الله تستفيدوون منها


ومثل ما استفدت من تجاربكم القيمه حبيت افيدكم بتجربتي المتواضعه في تنظيف الشنط بأنواعها
وبخاصه الماركه
لانكم تعرفون سعرها الغالي ولازم تنظيفها يكون على مستوى جيد

وما اخفيكم انا من مده طويله ابحث عن طريقه لتنظيف الشنط وبخاصه الماركه بس يكون تنظيف مضمون ومايخربها
وكنت اسال اللي حولي
قالوا ان فيه بعض المغاسل البخاريه يغسلونها احيانا ترجع جديده واحيانا ارميها على اقرب سله مهملات (اعزكم الله ) بس مارضيت اخاطر مثلهم بشناطي

ثم بحثت بالنت في كثير مواقع قالوا بعض الاخوات انهم يغسلونها بالغساله فيه انواع من الاقمشه ماتتاثر وبعضها يخرب

وانا عندي كم شنطه اصليه بس مبقعه من العبايه او المكياج من الاستعمال
وخليتها حبيسه الادراج عندي احسن من تخرب وارميها


الا ان خطرت ببالي هالفكره وبخاصه اني استخدمها لغسيل الملابس الرقيقه والناعمه طبعا ممكن تستفيدون منها في غسيل الملابس بس فيه فرق ان الملابس تكون المويه كثيره طبعا عند الغسيل




نحظر الشنطه


ونرشها بالماء بالرشاش حتى تترطب البقعه مو كل الشنطه الا اذا كانت تحتاج لذلك
<< القصد ماتكون غرقانه مويه مثل الملابس



نحظر صابونه يد ويفضل لوكس لانه يعطي ريحه حلوه مع نظافه
ويفضل انك تختارين لون الصابونه قريب للشنطه
مثلا اذا بيضاء او بيج تستخدمين الصابونه البيضاء ماتستخدمين لون اخر افضل وهكذا





نجي للطريقه بسيطه جدا بس بشرح لكم بالتفصيل

تغسلين يدك وتاخذين الصابونه وترغينها

ثم بالرغوه اللي تكونت معك تحاولين تغطين البقعه وتفركين برفق لاحظوا برفق
مو تدعكينها لين تطلع روحها

انا فركتها بشكل دائري وكل ماخفت الرغوه ارغي الصابونه بيدك وافركيها
بس مو كثيره الرغوه بس تساعدك بالتنظيف
لان الرغوه لوكثرت بتحتاجين لكميه كبيره من الماء لازالتها
وافركيها باصابعك الى ان تنظف
ثم رشي عليها مره ثانيه ماء بالرشاش ونشفي المكان بفوطه نظيفه وعلقيها تجف
طبعا ما تاخذ وقت لان التنظيف خارجي وما استخدمنا كميه كبيره من الصابون والماء


ملاحظه:
حاولوا الرش بالماء مايصل للجلد اللي بالشنطه لان الجلد حساس حتى الماء يبقع فيه انتبهوا ..


وصدقوني بترجع شنطكم جديده زي ماشريتوها ومابي منكم الا الدعاء


وان شاء الله يعجبكم وابغى ردوووود

منقوووووووووووووووول