ذكرى يوم [ ندى الورد ]

السلام عليكم ,

يوم السبت 1432/1/12

- -

وش أقول
استحيت كلكم تناظروني
يالله بقول بسرعة

في هذا اليوم طوّل الله عمركم على طاعته قمت الساعة 12 ونص عشان عندي اوف ,
ومع التقلّب بالسرير و الفهاوة و ذا ما قمت مرة مرة إلا الساعة 1 إلا ربع !
و هذا يعتبر انجاز ترا لأن ساعات الفهاوة بالنسبة لي بعد النوم ما تقل عن نص ساعة

قمت من النوم غسلت خشيشتي و نزلت عند أمي في المطبخ !
وسيدا على البرادة :

لازم و طبعي أشرب كاس موية هذي العادة الصحيّة اللي مستمرة عليها يالله لك الحمد

ثم سألت أمي وشو الغداء و طلّيت لزوم التشييك :d,

ياختي على ذا الليمونة تحب الشهرة

التفت ولا على طاولة المطبخ عصير برتقال اشتهيته قلت فرصة يحرك السكريّات مدري يرفع السكر عندي توي قايمة ثث
عاد صورته بلقطة ايقالي احترافية :d

ثم رحت لغرفة المعيشة < متعوب عليها
ولا هالمفعوص مِنْسٍهل على بطنه

و كالعادة معه سيارة , ومجهز عزبة اللعب

عشان يلعب :

و قمة الإزعاج , كننا في مدري

ومحسوبتكم عاد عليها اختبار بكرى وهو أول اختبار في الميدتيرم الثاني ,
شايلة همه بقوة بقوة و المادة غثيثة مرة , تجيب الألم .
خذت لكم لقطة سريعة و لاحظوا اني مصورة صفحة فيها ألوان عشان ما تنصدمون بالطلاسم

آمم, قعدت أقرأ شوي و أقلّب الصفحات آخذ تصوّر عن المنهج قبل لا آذاكره صدق ,
و إلين ما يجتمعون و نتقهوى ..

ثم جائت القهوة السعيدة ,

وجلست أتقهوى مع أهلي وسوالف وحركات وتميصل من بعض الناس ,
وهواش تعال كِل تمر ما كلتا

خلصنا من القهوة وضفيناها ,
تفرقنا عاد لين ما يجهز الغداء وذا ..

رحت لمغاسل الحريم أشوف وش فيها < ما تبي تقول أنظّف ذذ
المهم ولا الصابون قاضي قلت فرصة نعبّيه عشان أوريهم إني سنعة

عبيته وجلست شوي إلا جاء وقت تجهيز الغداء و الحين الظهر قصير ما يمديتس تقولين بأقعد إلا قايمة ..
خاصة اللي أبوانهم مواذنة

تجهيز القرصان قبل ما نبلّه

بعد الهذا :

و السلطة ئَبل التئطيع و بعده ,

< فيه ناس بيقولون شلون تآكلونها كبار مرآآآ

صورة من فوق على الغداء ,

تحلّقنا حول السفرة و قلنا به

خلصنا و تم الضف وكووول حاقة وغسّلت يديني بس القهر ما صورت اللبن

بعد كل ذا أذن العصر و بعده فترة راحة للجميع اللي بيسوي أي شي بكيفه ,
ناس تجلس ع البلايستيشن وناس يلعبون سياكل وناس يطلعون مع أصدقائهم
وناسات ع النت

طبعًا كلمة الناس في الجملة السابقة تعني فرد واحد ,
من كثرنا نصير ناس
+
تتسمع أناشيد و طقّ

إلين ما يأذن المغرب تقريبًا ثم نأتي بالشاي ,

< الكاميرا خانتني هنا خلّت الشاهي أسود
ايوا و أقول لكم عاد مع الشاهي بفك و شطة و شوكة

ثم أساسًا عندي موعد أسنان بعد العشاء ف تقهوينا مع سواليف و صجّة وقناة الوثائقية ,و أنواع التعليق
ما قال الله أكبر العشاء و خلصوا مصلّين إلا احنا بالسيارة أنا و أبوي و أمي ,
و إلى موعد الأسنان
عاد كان ودي إني مآخذة الكاميرا و أصور وذا ,
بس نسييييييت

رجعنا بأنصاص الليالي < شف الشلخة

رجعنا و على طول نصيت السرير و شخري لين الدوام من بكرى ..

- -

بس هذا يومي لذاك اليوم صراحتن استمتعت و أنا أهذر
ننتزر رؤية أيامكم

وهذي بوسة مني للخد اليمين لكل وحدة
> بتجي وحدة تقول يعععع
يحصل لكم أصلاً

|| فائدة ,
قال هرم بن حيان :
ما أقبل عبدٌ بقلبه إلى الله ، إلا أقبل الله بقلوب المؤمنين إليه حتى يرزقه ودهم .

ياهلابتس
وانا اقوول ارااتس مختاره يوم السبت اثاري عندتس اووف وفاااخهـ لين قلتي بس
الحين وش له قايمه من ظهر ربي لو منتس مااقوم الا المغرب ولا ان حصلت وذا الساعه تسع
وبعدين تعالي الحين يوم قمتي من نومتس كشتس وش سويتي بهاماكديتيها ولا مروعتهم <ولا مصلعه يابتّ..وشسمه وين مغسلتس الي غسلتي خشيشتس بها ؟؟<هذا الي ماصدقت انهم يقولون حطوا يومكم
تشربين المويه حاارهـ ولا باردهـ ولا نص ونص ؟<عشان اعلمتس وش الافيد هع
صادقه ذا الليمونه عندها شهرهـ <تمنيت اصير لميونه
ياااااااااااي ذا العصير يااني احووبه تخيلي من خليت الببسي وانا ماشربت في الجامعه غيرهـ
وخليت كل صقيقاتي يشربون مثلي مايصير هم يشربون وانا لا <الصاحب ساحي صدقتها الحين..الحين وش هذا الكنب جديد وينتس جالسه فيه ؟
بالله فرشتكم هذي تسون عليها طبعات وكذا مثلنا ولا لا ؟<يعني تجيبين كاس ولا شي وتسوين دوائر دامها تتتشكل <متعوب عليها وماجاتس شعور وانتي شايفه ذا منفعص تفعصينه زيادهـ لين يخبط راسه في الارض<بيصير اكشن وتصورين سالفه يوم انه صاح وهو يلحقتس وتصورين سوركم وكذا هع...الحين يد سوني ونعرفها وام اند اميز وعرفناهـ الي مغطى وشو؟ولش مغطينه؟<والله الي ماخليتس في حالتس ... وش شريطكم هذا خل ياخذونه اخواني يغيرون الكورهـ والسيارات الي عندنا ..الله يعينتس ويوفقتس عسااستس حليتي فيها ؟القهوهـ شكلا لذيذه بس طعما مايندرى <ودتس تخبطيني هع
من ماسك الصابون ؟ولا من الي يصور ؟
جعله عااافيه وسفرت(ن)دايمه ياااارب <بس صدز وشلون كلتواالسلطه وهي كبااار
ابد فيكم الخير والبركه ..عااد من حلاته المنتدى مصورته وعوووووكـ
اخااف انه اسود الشاهي وتبين ترقعين علينا ..ذكرتينا بالايام الخواالي <نجيبه الخميس الجاي ان شاء الله
ياسفااابه عاد مفروض ماتنسيها تنسيتن روحتس ولا تنسينها كودتس خذتي لنا كم صورهـ بكم دختر وممرض
هذا يومتس ياحليتتس كان وريتينا فرشاهـ اسنانتس ولا معجونتس وشو؟
والخد اليساار بيزعل يبي له بووسه بعد <وماتقول لا الي بين الخدين <بتتكفخ
والله يرزقنا حبه وحب الناااس
وتعبت تراوانا ارد عليتس انتي ويومتس هذا وانتي يومتس هذا شويه وشلون لاصاار تسثير
والله يجعل اياامتس سعاادهـ يابعدهم كلهم
وترا عااااطي جداا لو ماتردين على ردي <لاني برحمتس اصلا
^^^^^
ضنتي اطول رد ولا ؟<ودي يجي يومي بشوف وش بيصير كثر بربرتي

ماشاء الله تبارك الله وش هاليوم يا ندى الورد
الصراحة شفت يوم وعشته بدون ما اكون معك,,
بسبب ظروف الكلية الخايسة ما تخلي الواحد يجلس مع العائلة خاصة هالفترة حقت الاختبارات

ما ودي اطول عليك يكفيك رد اختي غلو الحلوة

وماتقول لا الي بين الخدين

اقول وش انتي شاربة قبل ما تردين على الموضوع ههههههههههه

ذهينة أنا , ما أبي أتعّب نفسي
لا عاد الصدق ودي أحمسكم
لا ما كديت و لا شي سويت كذا بيدي و ربطته مع ورا و السلام
حاشاني من الموية الباردة أساسًا أشرب نص ونص بالصيف شلون عاد بالشتاء

اقتباس :

وخليت كل صقيقاتي يشربون مثلي مايصير هم يشربون وانا لا

يا قوية

اقتباس :

بالله فرشتكم هذي تسون عليها طبعات وكذا مثلنا ولا لا ؟

لا بس أرسم عليها عيون وحواجب

اقتباس :

بيصير اكشن وتصورين سالفه يوم انه صاح وهو يلحقتس وتصورين سوركم وكذا هع

ما لقيتي الا ندى الورد و المحارش أبد بسلامته جعله يلزق في الارض مب ينسهل

اقتباس :

مغطى وشو؟ولش مغطينه؟

مافيه احد ملقوف هنا
تعرفين ذاك الشوكولاطة السادة اللي تدورين باللي تحت ويطلع من فوق مخفس هو من فوق يدور باللي تحت ثم يطلع ثم يلعط
عاد مغطيه لا يجيه ذباب و لا شي

اقتباس :

القهوهـ شكلا لذيذه بس طعما مايندرى

لا زينة تهبل مب مثل قهوتكم ذاك اليوم

اقتباس :

من ماسك الصابون ؟ولا من الي يصور ؟

مالتس دخل

اقتباس :

اخااف انه اسود الشاهي وتبين ترقعين علينا ..ذكرتينا بالايام الخواالي <نجيبه الخميس الجاي ان شاء الله

مهوب أسود وقسم
ترا بأصيح
على طاري الخميس فيه فكرتن جايتن ببالي ودي أقولها لكم , مير جاري ارسال رسائل ع الجوال ان شاء الله

اقتباس :

وماتقول لا الي بين الخدين

الله يقرف عدوتس بلا , وش أنتي شاربة

اقتباس :

والله يجعل اياامتس سعاادهـ يابعدهم كلهم

يوه ما بغيت أوصل لذا السطر
آمين وياتس ومن يقرا و من بيشترك بالمسابقة

اقتباس :

وترا عااااطي جداا لو ماتردين على ردي <لاني برحمتس اصلا

و رد لغلا الكون ما أرد عليه , مالتس داعي على ذا الظن
> شرايتس بالترفيع

وشكرًا على مرورتس

^

فجأة وقسم صار ردي على بوسة بين الخدين مثل رد ريماس ,
والله ما أقلدها و الله

اقتباس :

الصراحة شفت يوم وعشته بدون ما اكون معك,,
بسبب ظروف الكلية الخايسة ما تخلي الواحد يجلس مع العائلة خاصة هالفترة حقت الاختبارات

يا حبيلك يعني نقول الفايز أنا
يالله عسى ربي يوفقنا وياك

ماشاء الله وش هاليوم اللطيف ..

بس قهر ماصورتي عقب العشاء وعقب مارجعتي من الموعد ولا سريرك وعفشك وقرابيعك ..

وسلطتكم ماشاء الله كبااار

عالعموووم شكرا عالذكرى الحلوة وفالك الفوز

عفشي وقرابيعي يبي لها صيانة
ايه أدري انها كبار ههههه

منورة الحتّة يا قدعة

[quote="ندى الورد"][color=darkred]ذهينة أنا , ما أبي أتعّب نفسي
لا عاد الصدق ودي أحمسكم
لا ما كديت و لا شي سويت كذا بيدي و ربطته مع ورا و السلام
حاشاني من الموية الباردة أساسًا أشرب نص ونص بالصيف شلون عاد بالشتاء
ايه مشاء الله عليتس تخافين على عمرتس
ايه وواضح لدرجه انه للحين ماحد حط يومه غيرتس جعلهم الصلاح ياليتني ماخذهـ واحد قريب عشان ذا
اجل معقد يوم جيتي تكدينه عشان تطلعون للمزرعه <تحسب كل الخلق مثلها
اجل محافظه ..انا شتاء صيف ربيع خريف كل ابوهن بااارد<ماتعرف الا الصيف والشتاء

يا قوية
ايه اعجبتس ولا مصرت هضبه
لا بس أرسم عليها عيون وحواجب
اهم شي انتس ماتخلينها في حالها <مالقيت شي اقوله والا برد عليه
ما لقيتي الا ندى الورد و المحارش أبد بسلامته جعله يلزق في الارض مب ينسهل
صح في هذي مالي حق اجل للحين ماعرفتس .ولا انتي عساستس تهشين ذبانه

اقتباس :

والله مير يسلمتس على هيك مساابقه ..وسامحينا ضنينا فيتس ظن غلط
وهـ وجعلني مافقدتس يابنت ذكرى يوم [ ندى الورد ] 867871

^^^
انحاااااس ومالي خلق اعدله

أهم شي الظن الغلط , منب مرسلة لتس لين تقولين وش ظنيتي :P

روعه يومك ,, مـآآشـآآ الله ,,

بالتووفيــق ..<< ينفع اصير رسميه ..؟؟ << مـآآ ضنتي ,,

المهم يمكن يمكني اصور << لا يرحم امك ..

لا جد حمستوني يا مخيسـآآت ,,

اووهـ بسـ عندي أأووكتوبـآآر ..!

قصدي عشاان ضنيت انتس اب راادهـ علي ..تبي تقولين لها مابقى شي على يوم الخميس Suspect

جالكسي ,

لا يرحم أمتس ردي رد سنْع
يالله و الله تصيرين أطلق وحدة

--

غلا الكون ,

اييه , خلاص أجل هذاني بأكتب الرسالة

ما شاء الله عاااااااااااااااااشت البنت السنعة .. اللي تساعد امها في الطبخ

حلوة الصور بس شويه .. بعدين تلاقين السلطة والقرصان زعلانين عشانك صورتي الرز بدونهم ..

بعدين وش الاجرام اللي يلعبه اخوك ..

حروب ومسدسات .. يمااااااااااااااااااااااااااااتي تخوف

ايه صح
نفسي اذوق الفش فاش مع الشطة بس احسه مطاااااريس ..هو حلااااته وهو يخشخش في الفم ..

وبس

يسلمو على هاليوم الجميل و فالك الشحن ..

هههههههههههههههه

ااحم احم جيت<~بدري
ماشاء الله تبارك الله يومك شي
تصدقين عاد والله اشتهيت المويه شكلها منعش<~ماقامت من النوم قبل شوي ابد
والله حمستوني اصور بس ماسولفتي لنا سوليفات ولاشي
رديت عشان ماتهاوشيني في الدايره ع العموم موفقه يالغلا

أهلين اللولو ؛

اقتباس :

حلوة الصور بس شويه .. بعدين تلاقين السلطة والقرصان زعلانين عشانك صورتي الرز بدونهم ..

هذا و أنا أحسب اني مكثرة
أحسن هم مرتزين قبل , وشوله حب الظهور

اقتباس :

حروب ومسدسات .. يمااااااااااااااااااااااااااااتي تخوف

هذا و هو ما مات
لا الجد أخف لقطة ذي

اقتباس :

نفسي اذوق الفش فاش مع الشطة بس احسه مطاااااريس ..هو حلااااته وهو يخشخش في الفم ..

يعني تحسبين انه ما يخشخش , لاه تراه يخشخش ..
عاد شدعوى منّب نغرقه تغريق
بس قد اللذعة وطعم الحموضة

ربنا يسلمك ياختشي

يا مرحبًا ب اللؤلؤة ؛

اقتباس :

تصدقين عاد والله اشتهيت المويه شكلها منعش<~ماقامت من النوم قبل شوي ابد

عساتس شربتي الحين , ولا ما زلت مشتهية ؟
> مبكرة بالرد :p

منورة

يوووء الله يعينك على الاختبار وورقتك تروووع ارقاااام وانقلش ..

بالتوفيق يالغلا ..

^

خلص الإختبار الله يجزاك خير
آمين وياك

ماشاء الله بس حسافة ما كملتي يومك كان نشوف وش عشاك ههههههههههههههه

بالتوفيق Smile