يومي العزيز الأربعاء16/1

السلام عليكم ورحمة الله وبركاته

اخباركم صبايا كبيركم وصغيركم

كيف كان معكم يومكم هذا ان شاء الله مبسوطين!!
ما اطول عليكم في يوم من الايام تقرر علي ان اصور يومي بحلوه ومره!!
بما اني اخترت انا يوم الاربعاء الموافق 16/1/1432هـ على اساس اني اتفرغ لكم واصور لكم يومي,,
صادف انه قبل ما يبدأ يومي اني كنت مبسوووووووووطة لابعد الحدود ولا كان شفتوا يومي ماله داعي بس احمدو ربكم<<<اقول عن الهذره الواجدة
المهم ما اطول عليكم السالفة تبدأ من الساعة 12 <<بما ان اليوم يبدا الساعة 12 ليلا يعني يوم الثلاثاء ليله الاربعاء <<<ابو الشرح بس تكفين
طبعا كان بعد هذه الساعة جلسة بيني وبين امي الغالية واختي العزيزة طبعا ما اجتمعنا هالحزة الا فيه شي لان الاجتماع صار يوم ليله الاربعاء
لان كانت امي طالعة الثلاثاء وانا كنت خارج البيت في زيارة اعز صديقة الله لا يحرمنا من بعض المهم وهذي الساعة اللي كنا مجتمعين فيها

[img] يومي العزيز الأربعاء16/1 012dogsc26

[/img]

وبحكم الجهاز على رجليني فأكيد من هنا اسولف واهذر معهم واعطي وجه اللي في المسن والمنتديات الاخرى وابحث عن رسالة ارسلها لصديقتي الغاليه<<<طبعا مو sms لا mms من سألك عن النوع ههههههه..
[img] يومي العزيز الأربعاء16/1 012mhnuc26

[/img]

وهذي صورة اخرى للموقع..

[img] يومي العزيز الأربعاء16/1 012kywtq26

[/img]

وبعد هالهذر والتفصح اختكم الحبيبة ذهبت تخلد الى النوم بعدها<<<نوم العوافي يا روحي العزيزة
الى ان اتت الساعة التي تشير الى .............<<ما ودي اقولكم الساعة هي التي تخبركم متى استيقظت [img]

يومي العزيز الأربعاء16/1 012ytgco26

[/img]

بعدها ذهبت الى الحمام << الله يكرمكم....
وبعدها خرجت منه<<احلفي ما اصدق
المهم طلعت منه وتوضيت لأداء الصلاة في تمام الساعة 12.45 دقيقة
وذهب الى السجادة والجلال لكي اصلي

[img] يومي العزيز الأربعاء16/1 012yolds26

[/img]

بعدها استعديت الى الهبوط الى الدور الاول لكي التقي بالاهل ..

[img] يومي العزيز الأربعاء16/1 012jetwz26

[/img]

نزلت الدرجة الاولى وتاليها الاخرى الى ان وصلت الى مطبخي العزيز واخذت لي كأسا من الماء وبعدها دخلت على الاهل ولا هم
توهم ما بعد صبوا القهوة الحمدلله اكيد قاعدين يحتروني<<< الله من الثقة الزايدة هههههههه

المهم ما نسيت اني اصور جلستي الحبيبة قهوتي واكلي المفضل

[img] يومي العزيز الأربعاء16/1 012muacw26

[/img]

طبعا بعد شربنا للقهوة وبعد اطلاع الوالد على ........<< ما يحتاج اقول الصورة تحكي لكم على ماذا يطلع هههههههههههههه

[img] يومي العزيز الأربعاء16/1 012nbfos26

[/img]

طبعا الوالد حفظه الله بعد اطلاعه على ما ارفقناه في اعلى الصورة <<< يا نااااااااااس هذا ومابعد تووظفت وهذا كلامها اجل لو توظفت وش تقول
المهم قام الوالد ينشط اخونا في الله القعدة على قولتهم انه ياكل تمر اذا وده بالشي اللي في السيارة طبعا هو نشب نشبة مو طبيعية
ومن ضمن الاسئلة وشوا يبه..وش اللي في السيارة..طبعا كانت اجوبه الوالد حفظه الله انه كّل وتاخذ اللي في السيارة طبعا هو كّل بيديه ورجليه بعد لحق الوالد ونزلت علينا مؤنة لذيذه وهي ...............<<بعد هالمرة ماراح اقول وش فايدة الصور اذا قلت اخليكم مع الصورة[

img] يومي العزيز الأربعاء16/1 012uvxno26

[/img]

بعدها قامت اختكم العزيزة بذاهب الى المطبخ بحكم الوعد اللي صار بينها وبين صديقتها
انها تصلح لها حلى وبدأ النشاط في ارجاء الجسم عندها
وهذي اول صورة تم التقاطها للحلى..

[img] يومي العزيز الأربعاء16/1 012ksebl26

[/img]

وهنا قمت وكبيت((ووضعت))البسكوت المطحون في..........<<<<طبعا الصورة تحكي لكم اين وضعته!!<<<يعني على عنصر التشويق اقول طسي فيذاك..

[img] يومي العزيز الأربعاء16/1 QrY71784

[/img]

بعدين وضعت عليه باقي المقادير اللي هي................<<< مالي خلق اكتبها الصراحة هههههههههههههه

[img] يومي العزيز الأربعاء16/1 ArX71784

[/img]

قبل ما اخلطه والمقادير كامله في الخلاط...

[img] يومي العزيز الأربعاء16/1 Lro71784

[/img]

وانخلطت المقادير بعدين رجعت وحطيتها في بادية((زبدية الحلى))

[img] يومي العزيز الأربعاء16/1 Gpg71483

[/img]

وهذي من جهة اخرى<<<<فضاوة اختكم العزيزة هههههههههههه

[img] يومي العزيز الأربعاء16/1 JpB71483

[/img]

هذا باللون الاخر ما راح اقولكم لاني ما صورت كذا على الفاضي خيييييييييييييييير<<<<من اللي طاقك على يديك وقال قولي ههههههه

[img] يومي العزيز الأربعاء16/1 JnY71483

[/img]

بعدين غطيت هالحلى ما كملت وكان وقت الغداء وطبعا الجماعة ما تبدأ الا اذا اجتمعت العائلة الكريمة رحت اتغدى كان الغداء كالاتي

[img] يومي العزيز الأربعاء16/1 NFd71595

[/img]

طبعا معه حساء ((اللي هو مرق خضار))

[img] يومي العزيز الأربعاء16/1 QEt71701

[/img]

وبعده الحمدلله شبعت من الغداء وطيراااااان للمطبخ لا يخرب علي الحلى ويروح شغلي هباء منثورا

كملته وطلع كما هو موضح في الصورة

[img] يومي العزيز الأربعاء16/1 Lpp71483

[/img]

صلحته وبعدين حطيته في الفريزر عشان تجي تاخذه هي الساعة 5,30 بعد المغرب يعني
وفي اثنا هالشغل كله الاهل كانوا على موعد لذاهب الى الرياض بأختي العزيزة عندها موعد
طبعا انا جلست على اساس صديقتي بتجي تاخذ الحلى ولكن جلستي راحت على الفاضي
بس اختكم سنعة استغلت جلستها
وقامت بعد ما صلت المغرب تشوف طلبات العيال اللي عندها وصلحت لكل واحد فيهم كوب شاهي
عشان اتفرغ لشغل اللي سوف افعله صلحت لهم وقلت يا ويل اللي يجي عندي ويغثني فاهمين ههههههههههههههه

المهم اختكم دخلت المطبخ بما انه عليها <<<الله يصبرني عليه Crying or Very sad

وهذا هو الوقت اللي بديت فيه الشغل واول ما بديت بديت اغسل المواعين الله يعين..

[img] يومي العزيز الأربعاء16/1 Ezk71701

[/img]

وخلصت منها وعلى طول صورت المواعين اللي غسلتها الله ياخذ العدو..

[img] يومي العزيز الأربعاء16/1 Q1C71701

[/img]

وهذي وحدة ثانية..<<عيال العز كل شي لحاله

[img] يومي العزيز الأربعاء16/1 WK171701

[/img]

وهنا الوقت اللي انتهيت من تغسيل المواعييييييييييييين

[img] يومي العزيز الأربعاء16/1 Z6h71784

[/img]

وبديت في الشغل الاخر وهو تنظيف الفرن والطاولات والارضيه الله مييييييير يصبرني

وفي اثناء الشغل دقت علي بنت عمي الساعة ثمان ههههه <<<مو في التليفون لا في خدمة جديدة هههههههههههههماراح اقولكم انتم شوفوا وش الخدمة...

[img] يومي العزيز الأربعاء16/1 7e171359

[/img]

كنا تناقش في موضوع مهم ما يصلح اقول صح يا ....................<<<سر
طبعا قالت لي ان المنتدى خربااااااااان قلت لها لا ما اتوقع اختكم تحب هالمنتدى مرررررررررررررة
رحت ودخلت اكشف عليه ولقيته صدق مسكين متعطل وجالس يبكي على فقدان الادراة في معالجته بسرعة<<<بتصفق من الادارة ههههه

[img] يومي العزيز الأربعاء16/1 OkR71483

[/img]

وفي نفس الوقت يوم كشفت عليه قلت احسن انا مشغولة وليش يكون زين خليه يرتااااااااح من هالاعضاء اللي يكسروووونه في الدخول له
ههههههههههههههههه

المهم رحت وكملت الشغل <<<للمعلومية كان جهازي معي في المطبخ عندي عشان اشغل الاناشيد وانا اشتغل واكلم الناس يومي العزيز الأربعاء16/1 695676

هههههه

وبعدها انتهيت في هذا الوقت <<<اخلي الساعة هي اللي تقولكم متى خلصت هههههههههه

[img] يومي العزيز الأربعاء16/1 JIh71595

[/img]

بعدها غسلت يديني ورحت برقى ((اصعد)) فوق لكي اخلص شغلة عندي فوق وانزل اشوف ..

[img] يومي العزيز الأربعاء16/1 Nou71359

[/img]

وبعدها خلصت شغلي ورحت ادخل غرفتنا اخلص شغلي اللي فيها ....

[img] يومي العزيز الأربعاء16/1 I4n71359

[/img]

وبعدها خلصت وطلعت من الغرفة ونزلت تحت عند العيال اللي تحت اشوف وش قاعدين يسووون ..

[img] يومي العزيز الأربعاء16/1 PAS71701

[/img]

وبعدها رحت اشب على البريق عشان اصلح لي كوووووووب شاهي..واتصفح النت اليييييين يرجعون اهلي من الرياض..

اليكم الصور التصفح النت لدي..ساعة البحث والحووووووووسااااااااااااااان هههههههههه

[img] يومي العزيز الأربعاء16/1 XWP71359

[/img]

وهذا التصفح موقع الفيس بوك منها اللعب ومنها اشوف اخبار بنت خالتو..

[img] يومي العزيز الأربعاء16/1 L9s71374

[/img]

ومنها مريت على المسن اشوف من اللي فيه عشان ننشب له ونسولف معه ههههههههههه

[img] يومي العزيز الأربعاء16/1 Fim71374

[/img]

من جهة اخرى...

[img] يومي العزيز الأربعاء16/1 5aq71374

[/img]

كل هذا وانا في الصالة اتسمع انااااااشيد متنوعة..وبعدها حطيت السماعات ورحت اصلح لي كوب شاهي قبل ما يجون اهلي..

[img] يومي العزيز الأربعاء16/1 Zrt71374

[/img]

ورحت اصلح وجيت وطبعا على طول التقطت صورة للكوب وجوالي لاني في نفس الوقت كنت ابحث عن رسالة وسائط حلوة
لصديقتي <<<انا عارفة غلوووو انهبلت من هالصديقة بس لا تلوميني غلو غااااااالية علي ههههههه<<< ما احتاج عذرك ههههههههههه

[img] يومي العزيز الأربعاء16/1 HNE71359

[/img]

وهذا التصفح للبحث للرسالة ههههههههه

[img] يومي العزيز الأربعاء16/1 36z71374

[/img]

وقت عودة اهلي الله يحفظهم ويرعاهم<<<حمدلله على سلامتكم اهلي ههههههههه

[img] يومي العزيز الأربعاء16/1 WQG71595

[/img]

وحضرنا السماااااط واجتمعت العائلة على وجبه العشاء طبعا انا على طول خذت حقي والتقطت له صورة قبل ما ينحااااااس السماط

هذي صورة بدون .........<<ما راح اقول لان الصورة الثانية راح تدرون بدون ايش!!

[img] يومي العزيز الأربعاء16/1 JUT71595

[/img]

وهذي الصورة للي بدون ايش هههههههههه

[img] يومي العزيز الأربعاء16/1 ZZX71595

[/img]

وانتهاء يومي ولله الحمد والمنه
بعد عناااااااااء استمر 24 ساعة مرت بسلاااااااااااااام
انا عارفة الهذر مو ذاك الزود والصور بعد بس تحملوني هههههههههههه

في حفظ الله flower

هع هع هع أوووووووووووووووووم عليتس يوم أوتسي ..

مآشآء الله أم الهذرة هذي في كل مكآن نآشبه لتس <<مآتقصد بنت عمتس أبد ..

يآ حليلكم جريدتكم الريآض مو مثلنآ الجزيرة ..هع هع هع

يومآ سعيدأ عزيزتي ..

وعقبآل يومي اللي بديت أشتغل فيه ..

الله يسهل علينا وعليكم ..

الحمد لله هذا اليوم احسن يووم..حتى لو صاار شين يطلع احسن يوم غصب
زين النفسيه كانت اوكـ..ولا كااان رحنا فيها من النفسيه

ليه وش عندكم مجتمعين <لايكون بتحرون الاقصى ..ياحليكم تسهروون.. عاااد الاربعاء احس كله يرووح نوم يعني مانتشااوف ..

وش ذا الموقع...ولا وش ذاالرساله الي لاهي وسائط ولا نصيه<مشكله عجز الي ماتبي تكتب E

ياحليلتس يااريماااس للحين عاايشه سااعات الخراااش...تذكرت اياام اول يوم كانت عندنا امي هياتسذا ساعتها ..صدق دخلتي وطلعتي من الحماام ؟..كان صورتي لنا وش سويتي في الحماام بيطلع اكشن هع هع...شسمه تر ااحسن لتس تغيرين سجادتس .عشان فيها زخارف وتلهي الوااحد <بدا ياثر فيها قسمها هع

توني اشوف درجكم على فكرهـ بعد ماتغير ..ولا كان عندي عمى شوف ..شكلكم سارقين فناجيلنا تراها نفس حقتنا ..الا وراحقكم ابو اصبع ماايشبعنا الا ابو 2 تويكس لواحد مش لتنين <ياااي لذيييذوتمصون به القهوهـ مثلنا ولا لحالنا ؟...تصدقين منذ مبطي عن الجراايد مااقراها الا في الجاامعه ولا بيتنا ماتطبه جريدهـ غير الرياضيهليت احنا مثلكم مير التمر ممسوح من القائمه الا مايشاء الله ..والله الي ماسويت حلى لصقيقتي الحين اختي عالتني بس سفابها بعيده عني لا زم اسمع كلامها ولا لو غيرها ماسويت<من قدتس يالؤلؤهـ .
الظاهر هذي القاعدهـ عند الكل الا عند عائله اعرفها اجتمعوا مااجتمعوا اذا حطووهـ على السمااط يقوولون به مايحترون احد ابد<عااد منيب اطيق هذي الحركه..على طااري رزكم ..تذكرت اخووتس يوم كان يجينا حنا رزنا اب ابيض كاان يقوول غداكم من المطعم <يقولون اخواني لا ليش ؟يقول حنا مايصير تسذا<هذا كلام اخوااني عااط مطري كانهم صادزين..يووهـ تذكرت اول مررق الخضار نقول لامي لاتحط لنا الخضرهـ بس المرق ونحط الرز فيه ونمطرس به ونااااكله طعمه لذييييذ ...اشتهيته على فكرهـ ...سويتيه في الاخير ماخذته؟لومنتس مااخليها لين تجي تااخذهـ خيير ...بسم الله على اخيتس ..لاتقولين بعد موعد اسنان الله يشفيها يااارب ....ريمااااس لو انكم قبيله كل ذي موااعين قهوهـ وغدااء ؟؟عازمين احد انتم؟<الحمد لله ربي فاكنا ياربي لك الحمد..يلحبي لبت عمتس وهـ بس الله يخليها لاحبابها يااارب ...اثاريتس عميا وانا غلو مكبرهـ الخط ولا عشاان نشووف؟..ايه ياااشينه ذاك اليوم يوم يخرب وجش ..<عاد اب من حبي له بس مدري ليش ضاق صدري ..
والله انها غريبه هالصديقه من هي بس يمكن اعذرتس ...الكمدينه خبري انها تصير جنب السرير وراحقتكم نااطه فيذااك؟..الحمدلله على سلامتهم ..الحين اب لوانكم في الريااض احسن..وي عشااكم من هرفي يااحظكم به..وراكعم ماتاكلون تورتيلا؟<كلتوها بااردهـ ولاحميتوها ؟
وانا بعد عاارفه اني راااعيه هذر وخطي اب ذااك الزود بس تحملينا هع
والله يحفظتس ..وخلصنا بحمد الله...كاني بتس عاافصه عنونتس عشاان تقرين هع

يسلمووووووووووو والله حلو بيتكم <<<<<<< فاضيه تدققين بالبيت بس الموضوع حلو يسلمووووووو

شوشة كتب:: هع هع هع أوووووووووووووووووم عليتس يوم أوتسي ..

مآشآء الله أم الهذرة هذي في كل مكآن نآشبه لتس <<مآتقصد بنت عمتس أبد ..

يآ حليلكم جريدتكم الريآض مو مثلنآ الجزيرة ..هع هع هع

يومآ سعيدأ عزيزتي ..

وعقبآل يومي اللي بديت أشتغل فيه ..

الله يسهل علينا وعليكم ..

مازان يومي الا بمرورك لموضوعي..
من شابه بنت عمه فما ظلم <<<<ولا يا بنت عمي Smile

لا عندنا الجزيرة حبيبة نادينا هههههههه
عزيزتي شوشة يوم انك تقولين يوما سعيدا شايفتني حزينة مثلا<<<ياليل الظرافة ههههههههههههههه
الله يعينك يا رب على يومك انا جاب لي الهم التصوير وتنزيل الصور شي ثاني هههههههههه
آآآآآآآآآآآآمين الله يعينا واياكم Smile

غلا الكون كتب:: الحمد لله هذا اليوم احسن يووم..حتى لو صاار شين يطلع احسن يوم غصب
زين النفسيه كانت اوكـ..ولا كااان رحنا فيها من النفسيه

تسلمين غلو هذا من ذوقك
صادقة لو النفسية خايسة كان علوم هههههههههههههه
ليه وش عندكم مجتمعين <لايكون بتحرون الاقصى ..ياحليكم تسهروون.. عاااد الاربعاء احس كله يرووح نوم يعني مانتشااوف ..

لا مجتمعين ليلة الاربعاء مو يوم الاربعاء ههههههههههههههههههه
لا بنحرر شوفة الاصدقاء هع هع هع
وش ذا الموقع...ولا وش ذاالرساله الي لاهي وسائط ولا نصيه<مشكله عجز الي ماتبي تكتب E

كان قصدك الصورة الثانية هذا موقع الفيس بوك هههههههههههههههههه

ياحليلتس يااريماااس للحين عاايشه سااعات الخراااش...تذكرت اياام اول يوم كانت عندنا امي هياتسذا ساعتها ..صدق دخلتي وطلعتي من الحماام ؟..كان صورتي لنا وش سويتي في الحماام بيطلع اكشن هع هع...شسمه تر ااحسن لتس تغيرين سجادتس .عشان فيها زخارف وتلهي الوااحد <بدا ياثر فيها قسمها هع

ايه يا اختي عشان صلاة الفجر ما تصلح لي الا هي هههههه<<لا تحسبون نومي ثقيل بس هي اعلى صوت من الجوال..
لا ما يصلح خليه احب احتفظ الاحداث لنفسي ..لا الحمدلله ما تلهيني..
توني اشوف درجكم على فكرهـ بعد ماتغير ..ولا كان عندي عمى شوف ..
لا عندك عمى شوف غلو وينك فيه ههههههههه
شكلكم سارقين فناجيلنا تراها نفس حقتنا ..الا وراحقكم ابو اصبع ماايشبعنا الا ابو 2 تويكس لواحد مش لتنين <ياااي لذيييذوتمصون به القهوهـ مثلنا ولا لحالنا ؟...
لا ما سرقنا شي هذي حقاتنا ترا بعلم امي انك تقولين اننا سارقين<<<<شغل البزران ههههههههههههههههههه
انا عارفة انه ما يشبع بس لزوم الرجيم وترا نمص به القهوة ههههههههههه
تصدقين منذ مبطي عن الجراايد مااقراها الا في الجاامعه ولا بيتنا ماتطبه جريدهـ غير الرياضيه
لا هذي ركن من اركان البيت الجريدة ههههههههههههههه
ليت احنا مثلكم مير التمر ممسوح من القائمه الا مايشاء الله ..والله الي ماسويت حلى لصقيقتي الحين اختي عالتني بس سفابها بعيده عني لا زم اسمع كلامها ولا لو غيرها ماسويت<من قدتس يالؤلؤهـ .
عادي انا بالنسبة لي ممسوح بس صار هالفترة لازم..لا عاد ما اقدر اردها صديقتي..لا اخيتي شي ثاني مافيه مقارنة..
الظاهر هذي القاعدهـ عند الكل الا عند عائله اعرفها اجتمعوا مااجتمعوا اذا حطووهـ على السمااط يقوولون به مايحترون احد ابد<عااد منيب اطيق هذي الحركه..على طااري رزكم ..تذكرت اخووتس يوم كان يجينا حنا رزنا اب ابيض كاان يقوول غداكم من المطعم <يقولون اخواني لا ليش ؟يقول حنا مايصير تسذا<هذا كلام اخوااني عااط مطري كانهم صادزين..يووهـ تذكرت اول مررق الخضار نقول لامي لاتحط لنا الخضرهـ بس المرق ونحط الرز فيه ونمطرس به ونااااكله طعمه لذييييذ ...اشتهيته على فكرهـ ...

ايه السماط لازم خير ولازم نجمتع عليه<<<<احلفي تجتمعون عليه....
لا صادق بس احنا مرة ابيض ومرة يصير احمر<<<الا على طاري الاحمر حتى اخوك يوم اننا في رمضان ما ياكل سحورنا لانه احمر عسى ماشر
اذا كان انتم احمر ليش ما ياكل حقنا خيييييييييييييييييييييير بكفخه هههههههههههههههههههههه
انا اقول لا تحط لي خضرة بس مرق واحط عليه الرز بس ما امطرس اكله...خلاص قولي للماما تصلحه لك
سويتيه في الاخير ماخذته؟لومنتس مااخليها لين تجي تااخذهـ خيير ...

لا دقيت عليها من بكرة وجت وخذته<<<عليهم بالعافية يحدرونه ان شاء الله بالعافية
بسم الله على اخيتس ..لاتقولين بعد موعد اسنان الله يشفيها يااارب ....
ايه موعد اسنان الله يعينها يا رب ويشفيها

ريمااااس لو انكم قبيله كل ذي موااعين قهوهـ وغدااء ؟؟عازمين احد انتم؟<الحمد لله ربي فاكنا ياربي لك الحمد..
شفتي عاد هذا اللي يخلي المواعين الين بعد المغرب..لا ما عزمنا احد بس تعرفين مواعين قهوة وغداء وشاهي..احمدي ربك بس
يلحبي لبت عمتس وهـ بس الله يخليها لاحبابها يااارب ...اثاريتس عميا وانا غلو مكبرهـ الخط ولا عشاان نشووف؟..ايه ياااشينه ذاك اليوم يوم يخرب وجش ..<عاد اب من حبي له بس مدري ليش ضاق صدري ..
يا لبى قلبها بنت عمي الله يخليها لاهله بس ..لا مو عميا انا كبرته عشان اصوره هههههههههههههه
لا عاد انا ذاك اليوم ونااااااسة انه خربان عشان اكلم صديقتي على راحتي ههههههههههههههه
غريبة ضاق صدرك عاد انتي تك.........<<ما ودي اكملها لان صبية بتكفخني هههههههههههههههههه
والله انها غريبه هالصديقه من هي بس يمكن اعذرتس ...
يا لبى قلبها هالصديقة الله لا يحرمني منها بس ...لا لايمكن اقول خليها الله يحفظها ولا يفرقنا ابد في هالدنيا
الكمدينه خبري انها تصير جنب السرير وراحقتكم نااطه فيذااك؟..
لزوم الترتيب..ولان المكان اللي فيه الاسره<<جمع سرير...ضيق ما يكفي الا كمدينة وحدة
الحمدلله على سلامتهم ..الحين اب لوانكم في الريااض احسن..وي عشااكم من هرفي يااحظكم به..وراكعم ماتاكلون تورتيلا؟<كلتوها بااردهـ ولاحميتوها ؟
الله يسلمك غلو..لا والله يازين ديرتنا هدو وراحة بال..تصدقين اذا دخلت الرياض عشان السوق تجيني ضيقة صدر..
لا البرجر احسن يا اختي...لا ما كلناها باردة ولا حميناها..لاننا مغطينها بإحكااااام
________________________________________________

وانا بعد عاارفه اني راااعيه هذر وخطي اب ذااك الزود بس تحملينا هع
والله يحفظتس ..وخلصنا بحمد الله...كاني بتس عاافصه عنونتس عشاان تقرين هع
لا عادي انتي تهذرين وانا اهذري مثلك ما رحنا بعيد العرق واحد..
واياك غلو...لا ما عفصتها الحمدلله مكبرة الشاشة عشان اعرف اقراء هههههههههههههه

ليدي الامورة كتب:: يسلمووووووووووو والله حلو بيتكم <<<<<<< فاضيه تدققين بالبيت بس الموضوع حلو يسلمووووووو

الله يسلمك..عيونك الحلوة..

مرورك اختي الحلو I love you

ماشاء الله وش هالسناعه مصلحة حلا وحركااات

يوم لطيف وشكرا

صبية نجد كتب:: ماشاء الله وش هالسناعه مصلحة حلا وحركااات

يوم لطيف وشكرا

من زمان وانا سنعة بس ماتدرون عني يومي العزيز الأربعاء16/1 695676

والعفو مراقبتنا العزيزة

والله انك سنعه
أقول رموسه صلحي الحلى مورهـ ثانيه وذوقيني
طيب حآلفه عليتس
خخخخخخ

^^^^^
ولا يكون خاطرك الا طيب
بس عطيني وصف بيتكم واصلح لك الحلى..

ما شاء الله حركااااااااااااااااات مغسلة المواعين بس بثلث ساعة <<<<< ولا غسالة ما شاء الله

وبعدين ترى بتعمى عيونك من مقابل هالاب توب

الله المستعان وين بنات اول .. ضفرات ما عندهم عشى من برى ولا هالخرابيط ..

ياملى الصلاح ليه ما زينتي العشا وانتي جالسة لا شغل ولا مشغلة ...

يوم جميل وفالك البيرق ..

يومي العزيز الأربعاء16/1 372396

تقلبت عيوني من الصورة المايلة الدرج والساعة

ماشاء الله الحلى شكله تسلم الايادي

مشكووورة وفالك الفوز >> ماقلدت اللولو ..

اللولو كتب:: ما شاء الله حركااااااااااااااااات مغسلة المواعين بس بثلث ساعة <<<<< ولا غسالة ما شاء الله

وبعدين ترى بتعمى عيونك من مقابل هالاب توب

الله المستعان وين بنات اول .. ضفرات ما عندهم عشى من برى ولا هالخرابيط ..

ياملى الصلاح ليه ما زينتي العشا وانتي جالسة لا شغل ولا مشغلة ...

يوم جميل وفالك البيرق ..

شفتي السنع كله فيني الله يحفظني...
يا اختي ما اقدر استغني عن بنات عمي وعماتي وخالاتي وخالي وحريم اخوالي واخوالي لازم يعيشون معي ههههههههههههههههههه

يا اختي ذاك اليوم مالي خلق اصلح شي المطبخ نظيف ابغاهـ يجلس الى بكرة هههههههههههههههههه

شكرا هذا من ذوقك اختي اللولو<<<تصدقين بغيت اكتب اسمك هههههههههههههههه

لمار* كتب:: تقلبت عيوني من الصورة المايلة الدرج والساعة

ماشاء الله الحلى شكله تسلم الايادي

مشكووورة وفالك الفوز >> ماقلدت اللولو ..

بسم الله على عيونك اختي...

هذا من ذوقك اختي الحلى من ناحيتي يهبببببببببببل انصحك تصلحينه Smile

العفو اختي وفاااااااااااااالك كل خير Smile

ماشاء الله تبارك وش هاليوم السنع بالله ماطفشتي لحالك لومنك كان رحت معهم
وااااو ماشاء الله الحلى شكله خووورافي نزلي لنا المقادير بالضبط<~اشتهيته
بالتوفيق خيتو الحبيبه

لا والله ما طفشت لاني جالسة على الفلاش جاي من صديقتي وازين فيه
ومنها اسولف مع بنيت عمي الله يخليها ههههههههههههههههه

الحلى حصري فقط لسعادتي بس ولا يهمك ارسله على الخاص المقادير والطريقة هههههههههههه

سعدنا بقدومك خيتو

جاري احتراء الرساله

مو اليوم يا حلوتي الخميس راح ارسلها هههههههههههههاي

ماشاء الله الصور كثيييييييييييييييييرة كلها كوم والحلى كوم ثاني حفظك الله ممكن المقادير اختي

بالتوفيق Smile

مشكورة على المرور اختي
راح توصل على الخااااااااااااااص اختي

تشكرااتي مرة ثانية على مرورك Smile