بازااااار منبع الجمال للمنظمات

السلام عليكم

اهلين بالحلوين

رجعت زي ماقلت لكم وراح اكون اول تاجره في هالمنتدى العزيز على قلبي



طبعا كلكم تقولون وش الطاري ووش جاها على التجاره اقولكم انا نفسي مدري

كل اللي اذكره اني اتصلت على تاجره في احدى المنتديات كنت ابي اشتري منها اغراض

وقالت لي خذي بالجمله ارخص لك وفعلا اخذتها منها ووديتها معاي للاستراحه حقت خالاتي

وكان يومها فيه مناسبه وحفله واخذتها من باب الاستهبال وقعدت احرج واقول بازار بازار

ومادريت الا هم كلهم فوق راسي يشترون ومن بعدها اعجبتني الفكره

عاد لي فتره وانا على هالسالفه وفيه ناس شجعوني وقالو لي اعرضيها في النت

ومن يومها وانا افكر اني اعرضها هينا بس صراحه انشغلت مرره ولا قدرت

عاد الحين تحمست مرره وقررت اعرضها لكم


هي عباره عن منظمات خفيفه للاستخدام اليومي ... وبسم الله نبدا بالصور والشرح









منظم للشنطه

يسهل عليك ترتيب شنطتك

ويسهل نقل اغراضك من شنطه الى شنطه .. تاخذين المنظم وتنقلينها للشنطه الثانيه

وفيه قريبتي قالت لي انها اسفادت منها كثير من ناحيه رزة الشنطه خصوصا الشنط

اللي جلدها او قماشها خفيف تخلي الشنطه موقفه << ان شاء الله فهمتو قصدي

متوفر حجمين كبير للشنط الكبيره وحجم وسط

سعرها للحجمين 20 ريال

منظم الخواتم <<< رهييب لايفوتكم من كثر ماعجبني اخذت اثنين منه لاتفوتكم خواتمي بس
هههههههههههههههه

يسهل عليك اختيار الخاتم اللي يناسب لبسك








طبعا" الحجمين الكبير والوسط كلهم جلد اسود من برا ومن داخل

والصغيره شمواه احمر ومن جوا ابيض

السعر للحجم الكبير 45 ريال

الحجم الوسط 40 ريال

الصغير 20 ريال

منظم الملابس متعددد الاستخدامات

ينظم الشرابات زي مافي الصوره

ينظم الملابس الداخليه للكبار والاطفال

منظم كريمات وعطور واي شي انتي تحبين تستغلينه فيه








هاذي الفكره حلوه لترتيب التسريحه او الحمام الله يعزكم

تحطينها على التسريحه وترتبين العطر والكريم والمكياج والشاحن والبودره والبخاخات واي شي

حتى منظرها مرره حلوو ويشد

متوفر حجم وسط :

20 تقسيمه / منه اربع الوان - وردي - سماوي على تركواز - اخضر - برتقالي سعره 10 ريال

حاليا" متوفر وردي فقط للمستعجلين اللي موب مستعجله اقدر اوفر لها الالون الثانيه


حجم صغير :

12 تقسيمه منه لون اسود على ابيض متوفر بنقشتين مختلفات موجوده بالصوره اللي فوق

سعره الحبتين بـــ 15 ريال و الحبه الوحده 8 ريال

منظم الاكسسوار المعلاق

ينظم الحلق والسلاسل والاساور والبروشات وربطات الشعر وايييييي شي

طبعا" هو على وجهين من قدام ومن ورى ولا ياخذ مكان ابد ابد .. عباره عن جيوب شفافه

الجيوب الصغيره فوق وكل ما نزلتي تكبر لحد ما تستوعب اطواق شعر وساعات

واحلا ما فيه بسرعه تختارين وتنقين ولا ياخذ مكان بالدولاب

حتى بكلات البنات وتوكاتهم مررره رهيب









الصراحه ما عرفت اصوره .. الصوره ظالمته مررره حطيت ورق تحت المعلاق علشان يبان

فيه منه مقاسين كبير وصغير / الكبير 25 ريال والصغير 20 ريال

منظم متعدد الاستخدامات

ينظم الاكسسوار للكبار او الصغار

ادوات الخياطه

فرش صغيره للظلال العيون + توكات شعر + شباصات صغيره + علب اظلال عيون صغير


ايييي شي تقدرين تستغلين العلبه فيه





متوفر حجم صغير حاليا لانه مقطوع من السوق

السعر 20 ريال

باقي منظم الساعات ما حطيته نسيت اصوره ابرجع اضيفه بعدين


واللي حابه شي او تستفسر عن اي شي ترسلي على الخاص


لا تحرموني من تعليقاتكم


وشككككككككككككرا"

على عشرة على عشرة ههههههههه

ماشاء الله تبارك الله وش هالزين افتحو محل في منتدانا الغالي

الله يوفقك في شغلك الجديد نبوعة

س/ توصليني لي <<<بحكم المكان اللي انا فيه

عشان اعرف اطلب ولا ما اطلب..

وهذا مروري البسيط لكِ يا احلى نبوعة في الدنيا

وـآآآآآآآآآآآآآآآآآآآآآآآآآآآآآآآآآآي .. مـآآرهـ رووووووووووووووعه .. تسلمييييييييييين منبووعه ..



بـآلـتوفيـق .. يَ رب ..

وآآآآآآآآآآآو بازارك موووره حلووو

الله يوفقك ياارب

شكرا لكم كلكم تسلمووون والله

رموسه يوصل ليش ما يوصل كلش ولا رموسه

امري رمووس وش حبيتي منهم ؟؟

^^^

تسلمين يا نبوعة
خلاص انتظري طلباتي

الله يسلمك يارب

يالله انا انتظرك وانتظر الباقين

ولا احد غير رموسه عجبه شي ؟؟

ما عليك هم جالسين يفكرون ههههه

وين الحلوين .. ترا احنا ارخص من غيرنا افتحو النت وشوفو اذا مب مصدقين

في كل شي ارخص

شوفي تى انا ما طلعت الصور ولا لو انها طالعه كان ما يطيح سوقس عني

شكرا لكم كلكم


ما ادري ليش معد طلعت ؟؟

المشكله مقدر ادخل على نفس موضوعي علشان اصلحها

وش الحل ؟؟

احد يعرف مركز تحميل زين ؟؟ يدليني الله يعافيكم

واللي عندها اي فكره تعلمني

هذا حلو
http://hh7.net/
موقع تحميل صو التمساح