****ادخلي (( انسه )) & اطلعي(( مدام))****

الصراحـة هـذا الموضوع موتنـي من الضحـك قلت لازم انقـلـة لبنات صبايا نجد..





كيــف تصطادين المعرس دون اللجوء إلى الخطابة أو الأساليب السقيمة من المغازلات والترقيم والتلميح اللي ماله سنع والترزز بالأسواق........ إلخ

أهم شي..؟ نيشني على العجوز اللي (حاطة عينك على ولدها ) ثم اعملي مايلي:

1_ خليك مع امك ولاتروحين مع البنات وتتهيبلين اصبري عنهم كم شهر لين تتم العمليـة..

2_ امشي وأنتي حاطة راسك بين كتوفك ولا ترفعينة أبد حتى لو عورك خلي (الفكس) دائما في متناول يديك..

3_ كلمت خالة خليها دايما على لسانك خاصتا لأم المعرس عشان تحس بنوع من التميز عن باقي العجايز..

( ملاااااااااحظـة): لامانع تنادين عجوز ثانية بخالة عشان اذا مانجحت الخطة مع العجوز نمبر ون تنجح مع نمبر تو << الإحتياط واجب وأنا اختك

4_ اذا بدت امك تتكلم انغزيها بكوعك عشان تدخلك فالسالفة حتى لو مالك داعي تطبيقا للمثل (كثر الدق يفك اللحام)<<<< دارية المثل مالة داعي

5_ اخوانك الصغار لاحقيهم وطامري معهم وين مايروحون حتى لو ماهي عادتك بس تصرفي معهم كأنك
امهم عشان العجوز تاخذ فكرة إنك حريصة على ذريتــك..

6_ كل ماأكلت امك أكلة زينة خليها تقولك نفس الأكلة اللي تسويها بنتي حتى لو الأكل من مطعم صيني أومكسيكي..

7- اذا جيتي بتمدين ايديك توجعي وخلي امك تقول: قايلتلك وأنا امك ماله داعي تنظفين جدران البيت الخارجية<<أقول نظفي غرفتك اول اللي تقول ثايرة فيهاقنبلة ذرية.

8_ اذا تكلموا أهلك عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها
<<< بس لا تكتمي نفسك حيييل اخاف تروحين فيها وأصير قتلت نفسن بغير حق

9_ مهما كان موضوع الحوار حماسي لاتبدين رايك خليك مثل البكما لأن اللقافة تجيب اجل الخطة

10_ شعرك افرديه ولاتجعدينه مهما كانت الموضة لأن العجايز مايدورون الا اللي شعورهم ناعمة

11_ اذا أدلت العجوز (ام المعرس المتوهق) بأي راي سواءا الراي سياسي أو وطني أواقتصادي وافقي عليه حتى لوإنه ماسخ وماله داعي..مثــال:
تقول العجوز بوش متقهوي عندنا البارح
قوليلها: وليه ماعلمتيني ياخالة أجي أساعدك..؟

12- في العروس اضغطي على نفسك واقضبي أرضك ولاترقصين واعتبري الرفص عيب وشق جيب <<< عاد أنا اذا ماقطعت الرقص ولاماأرتاح

13_اذا جا طاري السوق واهو لازم يجي الطاري لأنه ملح الجلسة عند الحريم خلي امك تقول:
بناتي ما يحبون يطلعون السوق ابوهم يجيب لهم اغراضهم..

الحيـــــــــــــــــــــــن العجـــــــــــــــوز بتكـــــــــــــون وقعـــــــــــت فالفــــــــــــــــخ



نروح للمعرس الحين...
1_ اهجدي في بيت اهلك ولا عاد تطلعين واذا جا المعرس بيشوفك خلي أبوك يقول والله ودي تشوف البنت
بدون ماتدري عشان تاخذ راحتك وأنا عمك وبعد تشوفها عالطبيعه وماتقول غشيتوني


2_ قبل يجي اليوم اللي بيشوفك فيه بحوالي ياسبوع او أكثر(حسب شين الوجة) طامري من صالون لصالون(صبغ بديكيرمنيكير تنظيف بشره إلخ ..)

3_ إذا جا المعرس خلي اخوك يوقف جبنة عشان مايطول بالتبحلق ويبان المخفي وذلك تطبيق لنظرية (اللمحة ذبحة)

4_ في نهاية المشهد خلي ابوك يقول: معليش وانا عمك ترى البنت شوي محيوسة << ماعلية يالشايب تنصب عالمسكين..

وبهاللحظة الولد بينط على راس ابوك وبيحب راسة ويبوسة لين يشفط مخة ويقول متى العرس ياعم؟؟؟؟؟؟

تـــــــــحـــــــذيــــــــــ ـر مهـــــــــــم:::


ابتعدي عن امهات العيال المتعلمات راعيات الشنط نفس لون الجزمة هذول يبيلهم خطط بعيدة المدى........


وبس ....

ههههههههههههههههههههههههههههه

حلوة خلاص وش رايك نسويها انا وياك....


مشكورة..................

ههههههههههههههههههههه
انا اصلابابنامليان ما اسوي هذي الحركات>>>>>الله من الخرط

خلاص ريماس ونشوف من تعرس اول هع

كتكوته وااضح مررره

مشكورات على المرور

يختي حلوه حلوه بس معد يمدي



مشكوره يامجرد فتاة رهيييييييييييييييب

ما يضر الواحد ياخذ خبرة في جميع الأمور


مشكورة مجرد فتاة والله منتيب سهله ينخاف منك


تدرين ابنحاش من حارتكم لا تخطفين عيالي


تقبلي تعليقي

منبع الجمال

هههه علميه بناتك :roll:

ريشه

عادي لو بغيتهم لقيتهم

خخخخخخخخخخخخخخخخخخخخخخ



خخخخخخخخخخخخخخخخخخخخخخ




من جد شيئ يوسع الصدر.....



ويستاهل من يقراه.....

الحمد لله والشكر الحين الناس ما تبي وحده زي كذا ,لا الناس إذا بغت تخطب أهم شيئ الإتكيت

يعني ما يبون وحده ترقى فوق الجدران عشان تمسحها (تقولين قطوة) الله يعافي الشغالة





بس موضوعك من جد خطططططططططير


تقبلي مروري

بنت الكريستال

بنت ابوها

مروركم الاخطر

بنت أبوها كتب:

ترقى فوق الجدران عشان تمسحها (تقولين قطوة) الله يعافي الشغالة

يعني الرجال أول ما يجي يخطب لازم يوفر الشغالة عشان زوجته ما ترفي الجدران على قولتك

أظاهر الشغالة صارت من الأدوات اللي في المطبخ الأزمة يعني إذا صار هناك مطبخ بدون شغالة يصير ناقص...

بعدين اللي ترقى الجدران هذا من قمة السنع في البنت


وإذا كان هذا مفهومك اللي ترفي الجدران هي القطوة الله يسامحك بس

هذا قصدك يا بنت أبوها....

إيه وش فيها إذا وفر شغالة!وبعدين أنا ما قلت من أول ما يجي لأن أول ما يجي راح أكون مدلعة يعني

ما يحتاج إني أمسح الجدار وش قالولك متزوجته شغالة .

وإذا ودك تسوين هذي الخطة الله يوفقك فيها, ولا تنسين تقولين لي إذا نجحت أوكي؟؟؟؟



(((وجهة نظري وأعتز فيها)))

الحمدلله اذا كان تفكيرك انك تدخلين ومعك الشغالة الله يعيينك على الوسواس .......


بعدين راح يكون بيتك ان شاء الله صغير بإذن الله ...


اصلا هذا واجب عليك من ناحية التنظيف البيت لكي لا يزعل عليك زوجك وبعدين يأخذ عليك الزوجة الثانية واذا كان تقكيرك انك راح تتخيلين نفسك انه ما خذك شغالة الله يعيين الخطاب اذا طقوا بابكم


وهذه وجهة نظر ي في الموضوع....

وجهة نظرك أفتخر فيها ,والحكمة تقول:لولا إختلاف الأراء لبارة السلع.

على العموم أنا أبديت وجهت نظري في هذا الموضوع وأنتي كذلك وأكيد أفكار الناس مو وحده

وإذا كان عندكم أن الوحده اللي تشتغل وتمسح الجدران هذي <سنعة >إحنا عندنا مو شرط.


وشكرا يا مجرد فتاة على هذا الموضوع