نظفي بيتك وأنتي تلعبين

الطريقة الاول (التنظيف اسبوع من كل شهر)....
يعني احدد اسبوع من كل شهر اشيل البيت شيل من الى .........
واكتب كل يوم وش القسم اللي راح انظفه اليوم وهكذا......
يعني سبعة ايام بس في الشهر مشغولة وواحد وعشرون يوم فاضية ......
اكون باقي الشهر فاضية بس تنظيف على خفيف مع التنظيف اليومي مثل الحمامات((( الله يكرمكم)))....
والصحون يعني اللي متعودة انظفهم او محتاجة انظفهم بشكل يومي ...
وافضل وقت لهذي الطريقة فصل الشتاء لان الجو يكون تقريبا خالي من الغبار ....



لطريقة الثانية (اختيار ثلاث ايام في الاسبوع للتنظيف ))...
يعني احدد ثلاث ايام من كل اسبوع للتنظيف

وتكون متتالية................... اقسم عليها اعمالي كلها المهم فالاهم
يعني مثلا السبت والاحد والاثنين واركز نشاطي في الايام الثلاث ..
واكون الايام الاربعة الباقية فاضية ومرتاحة من الشغل وهمه ..
وتكون اسبوع ايه واسبوع لا وكل وحدة علي حسب كبر بيتها.




الطريقة الثلاث(تحديد وقت لكل عمل والالتزم بهذا الوقت )..
يعني امسك ورقة وقلم واحدد كل غرفة او عمل واقدر لها وقت مثلا

انا الصالة تاخذ مني 20 دقيقة
الحمامات تاخذ مني 30 دقيقة
والمطبخ ياخذ مني ساعة ونصف
غرف النوم عدد2تاخذ مني 25 دقيقة
المقلط ياخذ مني 30 دقيقة
تنظيف السيراميك كل جزء ياخذ مني 15 دقيقة

واكتب كل جزء من بيتي
واحدد له وقت واجمع الاعداد واشوف كم وقت ياخذ مني تنظيف البيت كله



كل وحدة وش عندها وترتب امورها على هالاساس..
ثم ابدأ في كل عمل واطالع الورقة واشوف كم انا محدده له من وقت ويكون عندي منبه واحدد الوقت وابدأ شغلي واحاول اخلص قبل المنبه ما يدق
واذا انتهيت في نفس الوقت اكتب صح علي الورق
واذا ما انتهيت احاول ازيد حتي اعرف بالضبط كم احتاج واعدل في الوقت بس اول مرة
ومن ثم ألتزم باللي حددت

وميزة هذا الطريقة انها تكون مثل التحدي لي يعني اكون مرة مستمتعة وان اشتغل واحاول اسرع واسبق المنبة يعني اتسابق معه
وتكون هذا الطريقة يوم وراء يوم