رجع يسأل عن أخباري بعد غيبـة سنة وشهرين..
رجع شايل وجع صدره وقال أرجوك واسيني..
رجع كنه يحسبني سعيد بدنيتي أوزين..
وهومـايدري الدمعة لوتراخت تسريني..
دمع"هالوجع"كنه جمع في غيبته جرحين..
واناعيني بدت تدمع على حزنه وتبكيني..
يقول الدنياخانتني وبعدك ياغرامي شين..
ولااحدن غيرك يقدرني ويراعيني
حبيبي ضقت بغيابك"حبيبي حيل انا مسكين..
وأناجيتك بهالليله وتكفـى لاتخليني
وأنا لامن نطق تكفى عطيته لوطلب هالعين..
واجودبكل مايملك خفوقي وتملك إيديني..
وقلت ابشرولايهمك تدلل وش تبي يازين..
تراني فدوة عيونك لوانك جيت تشقيني..
حبيبي لوتبي القمره عطيتك فوقهاثنتين..
بعدلوتطلب النجمة ابنطق جيتك اضويني..
بعدهذاضحك وبعثرت همومه سلهم الرمشين..
وقال الله ياالطيب واناظنيت ناسيني
صراحة حيل تحرجني ياطيب يااطيب الغالين..
ولاادري كيف بوفيلك حبيبي وانت تعطيني..
بعدهذا تسامرنا وتواعدنا بعد يومين
ووصيته على قلبي وهو مثلي يوصيني..
تواعدنا على الجمعة ولا جاني إلى الأثنين..
ومر اسبوع والثاني وشوقي يشتعل فيني..
تصدق عاد ياالسامع...ولا جاني الين الحين..
وقبل تسأل عن اسبابه بجاوب وانت واسيني..
لأنه مــــــات في حادث وانا مت بغيابه الين الحين..
عرفت اني كذا ببقى ولا احد يقوى يحييني..
قصيدهـ حيــــل أثرتـ فينيـ
أتمنى تنالـ إعجابكمـ
منقولهـ لعيونكمـ الحلوهـ..