طباااااااااااااااخ..اقصد شيف

الاهداء

لامي وابوي وخالي حمد وعمتي هيا .. واقول بعد لعمتي هيا بمناسبة أنها مابعد طلعت من النفاس : عليتس بالحلبة تراها زينتن للبطن ..

تخيّلوا شكل واحدن ماسكن ملعقه وواقف على باب المطبخ ويقعد يتميلح عند خواته كل يوم يبي يطبّخ معهم ويصرّفونه يقولون : ودّ الشوربة للمسجد ورح اقرا قرآن احسن لك هههههههههههههه .. طيب تعرفون من هو ذا ... انا ياحبني لي .. قسم بالله ياني اشغل خواتي كل يوم ابي اسنّع معهم شي بس ماش .. جايهم حتسي ان مامني فود واني مابلا اقعد اخربط واشغلهم ..

والله ياأني وش حليلي ... حتى اني كل مادخلت عليهم اسلّم واقول لهم تبون شي ؟ تبون اجيب صامولي والا رقائق والا سويس رول .. ابيهم يقولون خذ لك صحن وقطّع .. عاد اني اتشقق وانبسط اذا قالت لي وحدتن منهم اقعد حرّك بالملعقه في القدر هههههههههه ياني تُحفه بعد أنا وهالملعقه المفوحشه .. يخلّوني احرّك وهم يسولفون ويضحكون ويقطّعون ومخليني احرّك لين توجعني يدي وتورّم اصابعي لين تصير كبر راس شواذر .

اليوم يوم الفتح ..

دقّت علي الآنسة ' أختي الكبيره ' ..
قالت لي : اليوم اختك فلانه تعيبانه ( يابعض الوجع خيرتن لي هههههههه ) .. ونبيك بالمطبخ تعاونّا شوي .. هي بس قالت ' مطبخ ' .. عاد انا وصلت لأقصى درجات الخقّه وأقوى درجات البرشطه .. قلت بدون مقدمات : وش تبون يعني ؟ ( طبعاً قلتها وانا على بالي اني ماجيت على وجهي وجالس احسسها ان الدعوه عندي ايزي ومافرقت ) خخخخخخخخ .. قالت جب وجب وجب وجب .. قلت : وبس ! ؟
قالت : يس ... وبس ..
واركض للبقالة واقعد اخمخم من هالاغراض واكبكب بهالاكياس والعامل فاتحن فمّه ثلاث متر عرض في اثنين وربع طول ..
واجي مدحدرن للبيت .. وادخل المطبخ ركض .. وبسسسسسسم الله ..

طبختين كل وحدتن تقول لاختها الثانية : انا اطلتز واحسن منك ..

الشغل عليها سهل والمكونات أسهـل وصيفنا مع أهلنا أحلى ( وجه دخلت خطوطه مع بعض وشبكت مع قناة المجد ) هههههههههههههه

شسمه ...

الطبخة الأولى ..

( سنبوسه باللحم ) ترى هذي اعتبرها طبخة واني تعبانن عليها ..

المقادير :
لحم مفروم - لفّة سنبوسة - بصل - فلفل رومي بارد - جزر - بهارات - ملح - فلفل أسود - قليلااااا من الزيت ..

الطريقة : أوّل شي نقرّب اللفة ويفضّل سنبوسة غوار والا سنبوسة الوردة الحمرا .. غيرها لاتحرصون لأنها تصير مخيسه ورقيقتن بالحيل ومايمديها تصير على النار والزيت إلا وتتفقّش وذيك الساعة عاد دبروا عماركم بعيشتن ثانية ..
ثاني شي وهو الأهم اللي هي الحشوه .. والحشوه تبعنا منتازه وخفيفتن على البطن .. نكزّ اللحم بالقدر ونحشر معه البصل والفلفل والجزر نحرّكه شوي ثم نلحّقه بالبهارات والملح والفلفل الاسود ثم نحقن الحشوة بشوي زيت .. لاتكثّرون الزيت ثم تغدي الحشوه كما الوجه الاملس ( وجه يطالع بكرك وهو زالطن شنبه ولحيته وطالعن من حلاق تُركي ) ..

إذا خلصنا من الحشوه ناخذ شوي ونلطّه باللفّه ونلفّها على شكل ثُلاثي .. ثم ندخّلها بالفرن ونخليها من 8 دقايق إلى 10 دقايق مع الجهتين .. يعني تدخّلين الصينية يامره وتحسبين 8 دقايق للي تحت ثم تحولين النار على النار العلوية وكمان 8 دقايق .. هذي طبعاً يسمونها ( سنبوسة بالفرن ) .. والنوع الثاني اللي بالزيت .. تاخذين السنبوسة وتلقلينها على الزيت .. ومتى ماشفتيها استوت وحمّرت وصار لونها زين ويفتح النفس اشقليها بالملاس ودايركت على ورق نشّاف عشان يسحب الزيت جعلي اسحبكم وحدتن وحدة وادخلكم على المملّتس عشان يزوجكم وحدتن ورى الثانية ..

الطبخة الثانية ..

سندويشات باللحم .. او بمسمى ثاني ( شورما بالصامولي ) .. وبمسمى ثالث يسمونها هل الحوطة ( شارومة لحم ) هههههههههه ..

هذي عاد مايبي لها زود تعب .. وحتى مقاديرها سهله .. ياحبني لي بي مابي كلافتن عليكم ..

المقادير : صامولي حجم صغير - قطع دجاج - بصل - بهارات - فلفل رومي بارد - جزر - بقدونس - ملح - قليلاااا من الزيت ..
والخلطة العلوية : قشطة - 4 ملاعق جبن سايل - جبنة موزريلا .

الطريقة : بنفس الطريقة الاولى .. نجمع قطع الدجاج مع البصل والبهارات والفلفل البارد والجزر والبقدونس والملح بقدر ونحرّتسها ليييين تزين امورها ونصبّ عليها شويّة زيت ..
نقرّب الصامولي .. ونشقّ الكيسين شقّين وننثر السندويشات نثر العوالي ..
تاخذين ياأيتُها الحرمة الرقطا كل سندويشه وتطلّعين عجينتها الداخلية مثل ماهو واردن بالصورة رقم 484 تحت ..
تحشين السندويشات ثم تجيبين الخلطة العلوية واللي هي عبارة عن قشطة و4 ملاعق جبن سايل . وهذي طريقتها بسيطة .. بس تجمعين هالشغلتين سوا وتخلطينهن مع بعض ... تصبين الخلطة فوق كل سندويشه ثم تحطين جبن الموزريلا عليهن ..

تصفّين السندويشات بصينية وتدخّلينها كما الداعوس بالفرن وتحمّرينها بس من فوق بمقدار 5 دقايق إلى سبع دقايق ..
تطلّعين وتلطّينها في بطنك انتي والعايلة الكريم ..

بكذا انتهيت من الشرح .. وبحكم اني تكلّفت وصوّرت لأني داري أني ماراح أدخل المطبخ إلا السنة الجاية ههههههههههه فالصور دحدروا عليها تحت ولاتدققون واجد ترى التصوير ماش والكاميرا شاريها من اكسترا كاش ..

*
*

الشيف مدمن ماسكن الصحن ويقول لكم : شوفوا هذي هي حشوة السمبوسه

طباااااااااااااااخ..اقصد شيف 3447

نحطّ بكل لفّة سمبوسة شويّة حشوة .. لاتكثّرون ترى اللحم صار غااالي

نسوّي بالسمبوسه تسذا

هذي السمبوسه وصفّيناها في الصينية ( وجه يقول لاختي وخّري شوي لايطلع قميصك بالصورة )

وحده .. ثنتين .. ثلاث .. ياحبني لي وانا مصلّحن سمبوستن واجد

السمبوسه وهي تصطلي بالنار ..

ياويل قلبي ويلاه .. نص استواء ياناس

--

الطبخة الثانية ,,

هذي مقادير السندويشات ,, ياحبني لي .. ياهم كارفيني كرف الويل

هاكززا نقطع بو الخبزه ونشقّها مع بطنها

بعد مانطلّع العجين من الخبزة يصير شكلها زي تسذا

يوم نتّفت الخبز الصامولي صفّيتهن جنب بعض عشان ابدا بالحشوه

وحشيناها

هنا عاد أقرّب الخلطة العلوية واحقن السندويشات بالملعقة ( قل والله انها بالملعقه مهوب بشوكة )

الله من المطرسه عاد بهالمرحلة ..
جاني الهمّ والغمّ وانا احقن .. مدري ليش حسيت اني تعبت وقمت ادوخ ( وجه شغّالة تبي تفتكّ من الشغل وتدوّر الباب عشان تركب مع البنقالي وينحشّها ويزبّنها عنده )

هنا أنثر جبن الموزريلا على السندويشات .. ويالله من فضلك

ومن زاوية أُخرى .. وبشكل وحواق آخر ..

صورة داخلية للسندويشات وهي تتشلوط بداخل الفرن
وعلى السفرة .. والله ياني تعبت عشان اصفّ هالليمون يقالي لبناني يشتغل بمطعم النافورة

عاد قمت احتسي واشخّط بدفيرتن حولي

أحسن واحد يصلّح فطور رمضان في بتننا أنا

يس يس ,, وسمبوستنا آحلى ,, عشاني بس مصلّحها الله يخارج اهلي مني ومن زحمتي بمطبخهم

إهداء خاص لكم,,

*
*

* سوعال : أصلح أطبخ مع خواتي كل يوم ؟

م

ل
ط
و
ش
من ايميلي
هههههههههههههههههههه

صراحة رهيبة..

يصلح يطبخ عن خواته..

مشكورة على اللطشة الحلوة زيك..

وااااااااااااااااااااااااو
روعه اشتهيتهم
مشكوره خيتوو على الطشه الحلوه

مشكورة اختي فتاة على النقل والاكل الشهي ...

نتطلع لمواضيعكم المفيدة والرائعة.................

ندو

ميس ميمي

رموسه

مشكوراات كلياتكن على المرور طباااااااااااااااخ..اقصد شيف 008

واثق من نفسه بقوة ....

مشكورة قلبوا ...

هههههههههههههه والله خطير نكتي بعد؟؟؟؟

مشكوووره حبيبتي مجرد عالنقل تسلم ايديك الي نقلته..

تحياتي.. lol!

رووووووووعه الموضوع مجرد فتاة
حتي انه تم لطش طبخه من الطبخات
يسلمو دياتك على النقل الحلو.....

والله انه سنع هالولد يعرف شي اسمه التعاون مع الاهل

انا بعد اقول ما شاء الله على هالولد...الله يصلحه ويخليه لأهله[/color[color=blue]]...لأنه متبع للسنة في مساعدة اهله... :cheers:

اما من ناحية الطبخ..فروعة ويشهوي[/color[color=violet]]..ويصلح يطبخ مع اخواته كل يوم واذا ما عطوه وجه يجي يساعدني

ما عندي مانع..لأنه ما شاء الله فله

تسلمين مجرودة.. طباااااااااااااااخ..اقصد شيف 867871

ماشاء الله ماشاء الله وش ذا السنع

اذا هذا طباخه فكيف بطباخ اخواته الله يخلف علينا وعلى الي عندنا خخخخخخخخ