منقول للفائدة

موضوع: منقول للفائدة الأحد مارس 08, 2009 11:32 pm

هذا الموضوع من واقع حياتنا ويتكلم في الصميم ونقلته لكم عسى ان نستفيد .....

الله المستعان

خلاص.. يععععع.. وشو ذاااا... ملينا .. ما صارت ..

ما كتبت هذا الموضوع إلا من بعد ما حامت كبدي من اللي أشوفه قدامي ... ليه المجتمع الحين صاير سطحي بكل ما تعنيه الكلمة؟ أنا أعمم هالكلام على الحريم والرجال بعد بس بعلمكم أو أقصد بذكركم (لأني متأكده انه الكل ملاحظ هالشيء) باللي يصير بمجتمع الحريم بما إني عايشة بمجتمع ستاتي ... لا يقعد ينط على واحد و يقول يا مصلكم يالحريم .. تراكم انتم لاحقينا بعد..

ليه الناس صاروا يتكلفون بكل شي ... عزايم .. زيارات .. زواجات .. كل شي بمعنى كل شي؟؟ لو الوحده بيجيها أي أحد يزورها أول شي تفكر فيه وش بنحط ووش بنجيب ... لازم الحلى من المكان الفلاني ... والفطاير من المحل العلاني ... والسكر شكله كذا .. والصينية مدري وشي قايله كل ماهب و دب محطوط فيها ما بقي الا ينثرون على الأكل قليتر من الزبرقه الزايده .. ذاك اليوم أقول لأختي بجيب فطاير من المحل ( ...... ) اللي جمبنا قالت لا وع قروي ... من متى صار الأكل فيه قروي و مب قروي .. سلاماااااااات !! يازين أيام أمي كانت الدنيا بساطة كلن يزور الثاني والعشاء نواشف وان تحمسوا جابوا فول و تميس ... السالفة مب سالفة فقير و غني السالفة سالفة

بساطة و تكلف ... وكلش كوم و إذا قال لك أحد والله الناس تقاطعوا هالأيام !!! كل هذا و ما تبون يتقاطعون ؟!

ليه إذا ولدت الوحده صاروا الناس يتنافسون من يجيب الأغلى مب الأحلى ... تلقون إذا الوحده يجيها مدري كم طعش سله من باتشي واللي مثله و سعر السله الوحده ما يقل عن 500 طيب سلة سلتين بتفتحهم والباقي حراام وش تسوي فيه؟ .. ليه ما نسوي بيبي شور زي الأجانب و كل وحده تكتب قائمة بالحاجات اللي تحتاجها و تسوي زي الحفله البسيطه يجون فيها الناس منها انها ماراح يجيها هدايا الا الحاجات اللي تحتاجها ومنها انه تجمع الناس مره وحده و ما تقعد استقبل وودع طول فترة النفاس .. أكيد الناس بيستصعبونها بالبداية بس بعدين عادي بيتعودون عليها زي الحاجات الكثيرة اللي استنكرناها بالبداية بعدين صارت عادي ..

ليه البنات صايرين ماصلين و سوالفهم مره ماصله ؟؟ أكبر همهم فلانة وش لبست .. والمحل الفلاني وش نزل .. يااي مره حلو التان عليك ... كلنا بنات و نحب هالسواليف بس مب عاد تصير اكبر همنا !! من متى الوحدة حتى لو لابسة شي يحوم الكبد بس عليه اللوقو حق الماركه يصير كشخه و لو وحده لابسه مرتب و ألوانه حلوه بس مب ماركه تطلع قوقو .. ما أتذكر قبل 10 سنين كنا نفكر كذا أبدا .. وأكبر دليل على هالشي ان البنات إذا جت تشتري شي ماركة معينه أهم شي عندها ان اسم الماركه مبين و وش كبره يعني مو شاريته علشانه حلو بس علشانه الماركة الفلانية ... حتى الصغار صاروا لازم يلبسون ماركات لو سمحتوا والمشكلة الأعظم انه تلقين البزر توه ما فقش من البيضه و يقول ترى البولو حقي من رالف لورين !!

ليه البنات بايعين صورهم بتراب .. مسنجر .. فيس بوك ... تاقد .. و غيره و غيره .. يعني خلاص إذا حطيتي صورتك صرتي مودرن و كول ؟ والا كلش كوم وإذا جت و صورت يدها ولا رجلها و لو سمحتوا لازم تكون ماسكه بيدها شنطه ماركه .. هو الأساس بالصوره إنك تورينا يدك ولا الشنطه؟ ما أدري نضحك على تطليع اليد ولا الشنطة !!

ليه البنات بالمنتديات سبحان الله أكثرهم مصيفين بباريس و عندهم كلب( لو سمحتوا ترى البسه موضه قديمه) و سياراتهم جاقوار و ينادون أبوهم وأمهم بابي و مامي ؟ ترى مره صدقناكم !!

ليه الحريم صاروا يحطون ميك أب بالعزاء وشو ذا استغفر الله ... حطي بشفايفك مرطب و رتبي نفسك شوي ما أقول لا بس تجين بروج فوشي ولا مناكير أحمر ... خييييييييير !!!

لكم مني احلى تحية منقول للفائدة 884778882

صااادقه والله هذا مررررة متعب بس ولو فيه ناس ينسقون مثلا اذا ماعجبها شيء وهو ماركه معروفه

ماتشتريه بس اذا عجبها لبس معين ومو ماركه تشتريه يعني مو الاساس ماركه اهم شيء الجمال و لا نهمل الجودة

بعدين اذا كان ماركه او غيره مايهم بس اهم شيء تكون جودته ممتازة

يعني مانكون من هؤلاء ولا هؤلاء احسن شيء الوسط

>>>الاخت فاتحه موضوع جديد مو رد

متشنكرة اخت دراعه عالموضوووع المميز

والله شي يضيق الصدر ويحز في الخاطر..

لو اننا مثل اول على بساطة وبدون تكلف , بس ترا الى الحين في ناس معتدلة وبسيطة وترتاحين معهم .. يعني مهما كان مب كلهم يهتمون بالشكليات ..

ولا انكر اللي تقولين .. ما ادري صراحة وش اقول .. يضيق الصدر وبس..

مشكورة دراعة

مثل ماقلتي صبية احسن شي الوسط والواحد مايطاوع نفسه ويحاول يعودها على البساطه

فعلا ندى الورد الواحد مايعمم بس للاسف معظم الناس صارو كذا لكن لازم نحاول مانتاثر بهم واهم شي ثقة الشخص في نفسه

مشكورين علىمروركم الاكثر منرائع

موضوع: رد: منقول للفائدة الأحد مارس 15, 2009 9:06 pm

احيانا يكون الصمت ابلغ من الكلام... منقول للفائدة 648233

لكن انتي يا دروعة ما قصرت وحطيتي يدك على الجرح...بس اللي ناقص هو التطبيق العملي
مو بس نعرف المشكلة وين!! ونعرف الحل ..بس نقول صعب التغيير..وكل الناس صارو كذا..
لازم نبدأ بأنفسنا..ونحاول قدر المستطاع التغيير في اللي حولنا ونتعاون مع بعض للأفضل منقول للفائدة 96483

ارجو اني ما ثقلت عليكم.....كل الشكر لك دروعة

كل الشكر لك درااعه .. والبنات مااقصروا بالرد ..

تحياتي..

والله كلامك ياريشة درر تسلمين على التعليق

مشكورو حبيبتي مملكة الطيب

يعطيك العافيه اختي

والتكلف فعلا مشكله

الله المستعان

مشكووووووووووووره